“Karriget i kemi, por do të rrimë më shumë në këmbë”, mesazhi i Kurtit në mledhjen e parë të kabinetit qeveritar
Transmetuar më 04-02-2020, 19:48

Albin Kurti ka mbledhur sot për herë të parë kabinetin e ri qeveritar me 15 ministra dhe dy zëvendëskryeministra.

Në një status në Facebook kryeministri kosovar shprehet se kabineti i ri i ka karriget, por do të rrijë më shumë në këmbë për shkak të punëve të shumta që e presin Kosovën.

“Sot, mbajta mbledhjen e parë të kabinetit qeveritar. Pas ceremonisë zyrtare dhe dorëzim-pranimit të detyrës së Kryeministrit u takova me ministrat tanë të ri.

Bashkë me ta dhe secilin person që punon në institucionet e Republikës sonë do të bëjmë më të mirën e mundshme për të arritur zhvillim e shtetndërtim për vendin, punë e drejtësi për qytetarët.

Karriget i kemi, por jam i bindur se më shumë do të rrimë në këmbë për shkak të punëve të shumta që na presin”, shkruan Kurti./b.l/noa.al/