Transmetuar më 09-02-2020, 19:46

Arilena Ara pas suksesit në festivalin e RTSH-së, sukses që i garantoi edhe pjesëmarrjen në Eurovizion 2020, sipas sondazheve të para, ajo ka dalë në krye të tyre.

Arilena u shpall fituese me këngën e saj “Shaj” në  Festivalin e Këngës në RTSH, duke sfiduar Elvana Gjatën, në një garë që ndezi debate, megjithatë kënga e saj është duke u pëlqyer në arenën ndërkombëtare.

Arilena Ara, e cila ndodhet aktualisht në Los Angelos të SHBA, ku po punon krahas përgatitjeve për në Eurovizion 2020, edhe me projekte të reja, do performojë në Roterdam në maj të këtij viti, ku edhe do të përfaqësojë vendin tonë në Eurovizion.

Ajo deri tani është një nga më të votuarat në sondazhet online.

Prej pak ditësh u nis një sondazh nga "wiwibloggs", faqe në dispozicion të Eurosong, ku Arilena Ara ka marrë shumicat e votave, plot 4603, nga 7000 të mundshme.

Spanja është në vendin e dytë me titullin “Universo” pasi ka marrë 2245.

Ndërkohë në vendin e tretë renditet kënga nga Republika Çeke me titullin “Kemama”.

Në fund media "wiwibloggs", pyet dhe publikun: A e meriton Shqipëria të jetë numri një?

Sondazhi vijon, por më e rëndësishëm për momentin është rezultati i papaqitur i këngëtares 21-vjeçare me origjinë nga Shkodra.  Në të gjitha pjesëmarrjet e deritanishme, vendi ynë pozicioninimin më të mirë ka vendin e pestë./NOA.al