Koronavirusi/ Dalin shifrat e studimit me 44 mijë nga të infektuarit: ja kush janë më të rrezikuarit
Transmetuar më 26-02-2020, 00:04

Të moshuarit, të sëmurët dhe burrat, janë më të rrezikuarit, ose ata që po vuajnë pasoja të rënda deri tani nga Koronavirusi "Covid-19".

Për të konfirmuar rezultatet e një studimi të mëparshëm, sot një studim më i detajuar kinez i kryer mbi 44,000 njerëz të infektuar me koronavirusin e ri, nxori të dhëna interesante që nga fillimi i epidemisë.

Shkalla më e lartë e vdekshmërisë deri tani ka prekur moshat "mbi 80 vjeç".

Të dhënat nga Qendra Kineze për Kontrollin dhe Parandalimin e Sëmundjeve (CCDC) tregojnë se mbi 80% e rasteve, deri më tani, kanë qenë të buta, dhe se pikërisht të sëmurët dhe të moshuarit ishin më të rrezikuarit. Hulumtimi, i botuar në ‘Kineze Journal of Epidemiology’, gjithashtu tregon se koronavirusi ka një rrezik të lartë për personelin mjekësor.

Raporti i CCDC tregon gjithashtu se shkalla e vdekshmërisë së provincës ku ka epiqendrën virusi është 2.9%  krahasuar me 0.4% në pjesën tjetër të vendit.

Rezultatet e rritën nivelin e vdekshmërisë së Covid-19, në 2.3%. Analiza e kryera tregojnë se 80.9% e infeksioneve klasifikohen si të buta, 13.8% si serioze dhe vetëm 4.7% si kritike.

Numri i vdekjeve në mesin e personave të infektuar, e njohur si shkalla e vdekshmërisë, mbetet e ulët, por rritet në mesin e njerëzve mbi 80 vjeç. Sa i përket gjinisë, studimi duket se konfirmon ndjesitë e para: burrat shfaqen më shumë të ekspozuar ndaj rreziqeve vdekjeprurëse (2.8%) sesa gratë (1.7%).

Raporti gjithashtu identifikon sëmundjet para-ekzistuese që i bëjnë pacientët në rrezik më të madh. Patologjitë kardiovaskulare janë në radhë të parë, pasuar nga diabeti, sëmundjet kronike të frymëmarrjes dhe hipertensioni. Lajm i mirë për të vegjlit:

Studimi identifikoi shkallën zero të vdekshmërisë për fëmijët e vegjël.

Rezultatet për profesionistët e kujdesit shëndetësor janë krejtësisht të ndryshme. Mbi rrezikun për personelin mjekësor, dokumenti thotë se deri më 11 shkurt, gjithsej 3,019 punonjës shëndetësorë ishin infektuar, 1.716 prej të cilëve ishin raste të konfirmuara.

Mbi të ardhmen, dokumenti gjithashtu shënon se "kurba e epidemisë së shfaqjes së simptomave" arriti kulmin rreth datave 23-26 janar, përpara se të zbriste më 11 shkurt.

Studimi sugjeron që tendenca në rënie e kurbës së përgjithshme të epidemisë mund të nënkuptojë se "izolimi i qyteteve të tëra, transmetimi i informacionit thelbësor (larja e duarve, maska) përmes kanaleve të shumta dhe mobilizimi i ekipeve multisektore të reagimit të shpejtë po ndihmojnë në kontrollimin e epidemisë.

Autorët paralajmërojnë gjithashtu se, sa më shumë njerëz që kthehen pas pushimeve, vendi "duhet të përgatitet për rikthimin e mundshëm të epidemisë".

/NOA.al

Loading...