Koronavirusi/ Kryegjyshata Botërore e Bektashinjve: Të ndalohen veprimtaritë fetare
Transmetuar më 12-03-2020, 12:16

Kryegjyshata Botërore e Bektashinjve me anë të një deklarate për mediat shprehet se, duke marrë parasysh situatën nga koronavirusi, janë marrë masa të menjëhershme.

Në në njoftim të bërë publik për mediat, Kryegjyshata thotë se do të ndalohen në teqe dhe objekte të tjera kulti të kësaj feje, ritet e fesë, që bien në kundërshtim me rregullat e vënë në fuqi nga qeveria shqiptare.

“Ndalohen kategorikisht të gjitha festat, darkat e ndryshme, llokmat për myhibanë, apo dashamirës bektashinj, suni dhe çdo lloj tubimi tjetër që është traditë e tarikatit dhe nënkupton grumbullimin e besimtarëve”, thuhet të tjera në njoftim.

Urdhërat e lëshuara janë firmosur nga ana e kryegjyshit Botëror të Bektashinjve, Haxhi Dedë Edmond Brahimaj./b.l/noa.al/