Një person ka përfunduar në pranga pasi akuzohet se udhtronte dhunë fizike dhe psikologjike ndaj nuses së djalit dhe e kërcënonte se do ta vriste.

Specialistët  e Seksionit për  Hetimin e Krimit në Komisariatin e Policisë Lezhë  arrestuan në flagrancë shtetasin B. Ll.,65 vjeç, banues në Ishull, Shëngjin.

Ky shtetas në banesë, në prezencë të dy nipërve të mitur, ushtronte  dhunë fizike dhe psikologjike ndaj bashkëshortes së djalit të tij duke e kërcënuar se do ta vriste me armë zjarri.

Policia me marrjen e njoftimit ka ndërhyrë menjëherë duke parandaluar përshkallëzimin e mëtejshëm të dhunës  dhe ka vënë në pranga autorin.

Gjatë kontrollit të ushtuar në banesën e shtetasit B.Ll.,  Policia gjeti dhe sekuestroi 2  armë gjahu dhe municion luftarak.

Materialet i kaluan Prokurorisë së Rrethit Gjyqësor Lezhë në ngarkim të shtetasit të lartpërmendur për veprat penale “Dhunë në familje” dhe “Armëmbajtje pa leje "./b.l/noa.al/