Fushë Krujë-Laç/ Aksident tragjik me 3 viktima dhe një të plagosur, policia jep detajet
Transmetuar më 18-03-2020, 21:00

Një aksident tragjik i ka marrë jetën 3 personave në aksin rrugor Fushë Krujë – Laç mbrëmjen e sotme.

Rreth orës 20:30, një automjet tip ‘Audi’ me të cilin udhëtonin katër të rinj goditën nga pas një kamion me targa kosovare.

Tre persona ndërruan jetë në vendngjarje, ndërsa personi i katërt është dërguar në gjendje kritike për jetën në spital, njofton policia.

Grupi hetimor ndodhet në vendngjarje dhe po punon për zbardhjen e shkakut të aksidentit.

Thuhet se aksidenti u shkaktua nga shpejtësia e lartë, por ende nuk është konfirmuar nga policia./a.m/noa.al

Në galeri foto të publikuara nga TCH