Kryeministër, je në atë post që të bësh detyrën, mos përhap panik
Transmetuar më 21-03-2020, 22:25

Sekretari i Përgjithshëm i Partisë Demokratike, Gazmend Bardhi, i kërkon kryeministrit që të bëjë detyrën dhe jo të përhapë panik.

Reagimi i Bardhit erdhi pasi ai iu përgjigj kryeministrit Edi Rama i cili pranoi se një video e publikuar në faqen e tij në Facebook për të cilën tha se ishte policia duke larguar dhunshëm njerëzit nga rruga në Spanjë, në të vërtetë ishte sulm policor ndaj protestuesve opozitarë me pushtetin, disa javë më parë.

"Kryeministër, hiq dorë nga përhapja e panikut dhe bëj detyrën sepse qytetarët kanë nevojë për mbështetje dhe ndihmë në shëndetësi dhe ekonomi. Detyra e kryeministrit nuk është as të përhapë panik, as të mallkojë qytetarët, as t’i mashtrojë ata dhe aq më pak, të ushtrojë dhunë ndaj tyre si homologu algjerian! Detyra e Kryeministrit tani është të transmetojë siguri për qytetarët, duke u garantuar pagat dhe ushqimin, si dhe duke marrë masa serioze, jo kaotike, jo të pamenduara, që garantojnë mospërhapjen e virusit.

Dil nga shtëpia dhe bëj detyrën e Kryeministrit! Pas faljes gjysmake, Edi Rama, në vend që të sulmojnë opozitën, duhet të heqë dorë menjëherë nga mesazhet që përhapin panik të panevojshëm. Qytetarët kanë nevojë për mbështetje dhe veprime konkrete në ndihmë të shëndetësisë dhe ekonomisë, dhe jo panik, gjuhë të shfrenuar dhe  fjalë boshë”, shkruan Bardhi në rrjetet sociale.

🔴 KËTË VIDEO PO E POSTOJ PËR TË GJITHË ATA QË DO SHKOJNË TË BËJNË PAZAR NGA E HËNA E DERI NË FUND TË LUFTËS! 🔴 O NJË…

Publiée par Edi Rama sur Samedi 21 mars 2020

Loading...