Kohë korone/ Ditëlindja plot dhimbje e Ermal Mamaqit: I lashë një tortë prindërve dhe ika
Transmetuar më 22-03-2020, 01:26

Ermal Mamaqi festoi këtë të shtunë 21 mars ditëlindjen, por kjo ditë e ka gjetur të trishtuar dhe larg njerëzve të tij të afërt, për shkak të Koronavirusit.

Ermali ka postuar në rrjete sociale një foto ku tregon takimin prekës me prindërit e tij të cilët nuk i përqafoi dot.

"Miq faleminderit per urimet. Padyshim ditlindja me e trishtuar. Desha të ndaj diçka me ju… Sot paradite vajta te shtëpia e prindërve dhe i lashë një tortë te dera. Zbrita 10 shkallë. Prita sa e hapën derën. I fola nga poshtë… filluan të dy të qanin. Une prita te shkoj ne makine qe te nxjerr lotet. Nuk di si tju them, dhe tani që po shkruaj më mbushen sytë. Si film dramatik. Dy minuta qëndruam, ata në derë e unë poshtë shkallëve.

Çudi e madhe, kemi qendruar larg njeri tjetrit shume here me gjate se kaq, dhe ska qene shume problem(te pakten nga une), por sot ishte ndryshe. Sigurisht, gjithe kjo lemeri qe po ndodh. Donim te perqafoheshim dhe nuk mundeshim. Se ku i dihet… Mund te jete ne trupat tane dhe po ja ngjisim tjetri… Nuk e kisha menduar që do jetonim kto kohë. Por është mirë.

Po ndjejmë përsëri mall për njëri tjetrin. Po prekim ca dhoma të zemrës që ishin me pluhur. Dhe si gjithmonë në kto raste po bëhemi pishman për idiotësitë që mërziteshim në kohë paqeje.

E di qe dhe juve ju mungojne familjaret me shume se kurre kto dite. E di që mund ti keni lënë në shpitë e tyre. Ka disa që jetojnë vetëm atje ku janë… Qendroni te forte. Prapë jam i lumtur. Po pres… Është duke ardhur diçka shumë e mirë… Mos harroni. Dhuratat vijnë përmes problemeve. Ju përqafoj", shkruan Ermali.

Loading...