Futbollisti me koronavirus: Nuk mund të marr frymë vetë, jam i frikësuar se çfarë do të ndodhë
Transmetuar më 23-03-2020, 10:31

Futbollisti irlandez Lee Duffy ka rezultuar pozitiv ndaj koronavirusit dhe prej tetë ditësh qëndron në spital duke u përpjekur të mposhtë virusin.

Në një postim në Twitter, 28-vjeçari bëri thirrje që të gjithë të marrin seriozisht këtë sëmundje. Futbollisti i skuadrës Newry City tha se nuk mund të marrë më frymë vetë dhe është i shqetësuar se çfarë do të ndodhë më pas.

"Ashtu siç mund ta dini ose jo, unë rezultova pozitiv me Covid-19 dy javë më parë. Kam kaluar 8 ditë në spital dhe mbahem me oksigjen sepse nuk mund të marr frymë vetë. Jam i frikësuar se çfarë do të ndodhë më pas. Fatmirësisht po e kaloj dhe po ndihem më mirë tani", shkroi ai.

Për gjendjen e tij ka reaguar ish-ekipi Warrenpoint me anë të një deklarate në Twitter ku shkruan:

"Ish-lojtari ynë Lee Duffy ka folur për virusin Covid-19 dhe fatmirësisht po shërohet. Ne mendojmë dhe lutemi për trajtimin e tij të mëtejshëm."

Të gjithë ndeshjet irlandeze janë pezulluar deri më 4 prill për shkak të pandemisë së koronavirusit që ka prekur të gjithë botën./a.m/noa.al

Loading...