“Kthehuni menjëherë në SHBA”, ambasada amerikane thirrje qytetarëve të saj në Shqipëri
Transmetuar më 25-03-2020, 13:22

Ambasada e SHBA në Shqipëri i ka bërë thirrje qytetarëve të saj që të rikthehen menjëherë në atdhe nëpërmjet Stambollit të Turqisë ku funksionon ende linja me Tiranën, saktësisht kompania Air Albania.

Ambasada shprehet se përveç qytetarëve amerikanë që janë të përgatitur për të qëndruar në një kohë të pacaktuar në Shqipëri të tjetër duhet të planifikojnë të ikin menjëherë dhe ata që kanë nevojë urgjente të kontaktojnë me email me ambasadën në Tiranë.

“🇦🇱 | Ambasada e SHBA nxit qytetarët amerikanë të planifikojnë kthimin e menjëhershëm në Shtetet e Bashkuara, përveç rasteve kur jeni të përgatitur për të qëndruar në Shqipëri për një kohë të pacaktuar.

Të gjitha pikat kufitare janë të mbyllura dhe për momentin ka vetëm një fluturim ditor që niset nga Shqipëria, i kompanisë Air Albania. Nuk ka asnjë information të dhënë për sa kohë do të vazhdojë ky fluturim. Fluturimi i Air Albania niset nga Tirana për në Stamboll, ku ju mund të merrni fluturimet për në Shtetet e Bashkuara. Për më shumë informacion, klikoni këtu: https://bit.ly/2UiEwBQ

Qytetarët amerikanë në Shqipëri që kanë nevoje për ndihmë urgjente, ju lutemi të nisni një email në: [email protected]”, thuhet nw njoftimine ambasadws.

Loading...