Maska dhe doreza që do të përdoren gjithashtu edhe brenda shtëpive tuaja. Ky është propozimi i Profesor Andrea Crisanti. Në një intervistë për Corriere della Sera, Crisanti shpjegon: "Do të jetë më mirë të përdorni një maskë dhe doreza edhe në shtëpi.

Dhe mbi të gjitha, kufizoni përdorimin e mjediseve të përbashkëta të shtëpisë. Unë e kuptoj sakrificën, por rezultatet e studimit tonë mbi mundësinë e infektimit tregojnë qartë efektivitetin absolut të kufizimit".

Studimi të cilit ai i referohet është kryer nga dy grupe pune: një nga spitali dhe Universiteti i Padovës, ku ai drejton departamentin e Mjekësisë Molekulare, dhe një Britanik i koordinuar nga Neil Ferguson nga Imperial College London.

Studimi ka të bëjë me hetimin e kryer në komunën e Vo ‘Euganeo dhe tregon se nëse ka një person pozitiv në familje, rreziqet e infeksionit janë 84 herë më të larta se normalja. Nëse, nga ana tjetër, njerëzit e infektuar janë të izoluar, aftësia riprodhuese e koronavirus bie nga 2 në 0.2. Me izolim, transmetimi mund të eliminohet edhe pa përdorur masa drastike për të gjithë.

Më tej Crisanti thekson se: "Në spital, familje të tëra mbërrijnë në grupime. Kjo do të thotë që nëse nuk jeni të kujdesshëm shtëpitë tona mund të shndërrohen në shpërthime të vogla të ngjitjes së virusit".

Sipas profesorit, tani "do të ishte e dobishme të shkoni në shtëpi për të bërë tamponat të paktën për të gjithë njerëzit që kanë përjetuar simptoma jo serioze. Pastaj kontrolloni anëtarët e familjes dhe ata që ranë në kontakt me subjektet e infektuar”.  Crisanti thotë se është i sigurt në lidhje me rezultatet që masat kufizuese po sjellin./b.l/noa.al/