Shkencëtarët janë të shqetësuar, Bletët po vdesin nga një virus i ngjashëm me COVID-19
Transmetuar më 04-05-2020, 22:26

Një virus i frikshëm, i ngjashëm me koronaavirusin po rrezikon bletët.

Shkencëtarët në Britaninë e Madhe, kanë shfaqur shqetësim pasi popullsia e bletëve anembanë botës është zvogëluar nga një sëmundje, e cila përhapet nëpërmjet insekteve asimptomatikë dhe shpërndahet me shpejtësi.

Lajmi bëhet i ditur nga “New York Post që citon “The Guardian, ku thuhet se edhe për bletët vlen distancimi social, në mënyrë që të mos shfarosen.

Pirgje me bletë të vdekura u gjetën jashtë koshereve të infektuara me një lloj virusi që shkakton të dridhura, bën insektet të mos fluturojnë dhe më pas të ngordhin për një javë.

“Infeksioni dikur ishte një gjë e rrallë, por është përhapur me shpejtësi”, tregojnë studiuesit e Universitetit në Newcastle, të cilët ekzaminuan bletët në 25 vende.

Në Britani, për shembull, virusi i paralizës kronike të bletëve, u desh vetëm një dekadë për të pushtuar 39 nga 47 qarqet angleze dhe gjashtë nga tetë qarqet Uellsiane.

Në SHBA, shkalla e infeksionit u rrit nga 0.7% në 2010 në 16% në 2014.

"Ju nuk mund të mendoni për distancë sociale në një zgjua bletësh, por ju mund ta menaxhoni atë duke zgjeruar hapësirën brenda zgjoit", tha Profesor Giles Budge./noa.al/

Loading...