Berisha thotë se sondazhet e nxjerrin opozitën disa pikë më lart se qeveria “Rama”
Transmetuar më 21-05-2020, 23:45

Sondazhe të pavarura të kryera javët e fundit e nxjerrin opozitën shqiptare të kryesuar nga Partia Demokratike, disa pikë më lart se mazhoranca e kryeministrit socialist Edi Rama.

Sondazhet janë parë nga PD dhe LSI dhe i evidentoi sonte, ish-kryeministri Sali Berisha. Ai tha në studion e emisionit Opinion se opozita është më e fortë se mazhoranca në numra, gjithnjë bazuar në sondazhe.

Sipas tij, në exit polle të tre javëve të fundit, opozita e bashkuar e tejkalon mazhorancën aktuale dhe është në kuotat më të larta se asnjëherë.

Berisha – PD dhe opozita është shumë e fortë në numër.

Fevziu – Ku bazoheni?

Berisha – Ka polle, ka sondazhe dhe unë jam në dijeni të këtyre sondazheve, opozita sot i ka kuotat më të larta se asnjëherë, së bashku me LSI dhe forcat e tjera të koalicionit Opozita e Bashkuar.

Fevziu – Duke tejkaluar mazhorancën e sotme?

Berisha – Duke e kaluar me shumë pikë mazhorancën e sotme.

Fevziu – Janë polle të bëra nga PD dhe opozita apo nga institucione të pavarura?

Berisha – Jo nuk janë të Partisë Demokratike. Po të bëjnë partitë polle nuk i besoj kurrë unë. Janë të tre javëve të fundit.

Loading...