Transmetuar më 22-05-2020, 14:00
Një avion me pasagjerë i një kompanie ajrore në Pakistan, është rrëzuar duke u përplasur teksa ishte në fazë ulje.
Ngjarja e rëndë u shënua mesditën e sotme në aeroportin e Karachi, në juglindje të Pakistanit.
Në bordin e avionit Airbus A-320, ndodheshin 99 pasagjerë dhe 8 pjesëtarë të ekuipazhit.
“Ishte vetëm pak minuta minutë larg aeroportit, kur u rrëzua në një zonë të banuar”, deklaroi zëdhënësi i Autoritetit të Aviacionit Civil në Pakistan, Abdul Sattar.
Ai nuk pranoi të japë të dhëna lidhur me viktimat, duke thënë se do të ishte e nxituar të flitej para kohe.
Sipas dëshmitarëve, avioni tentoi që të ulej të paktën dy herë para se të përplasej. /a.y/noa.al