FOTO/ Zbuloni sekretin e Detit të Vdekur… aty ku mund të lahesh duke lexuar edhe një libër
Transmetuar më 27-06-2020, 18:57

Izraeli është i njohur kudo në botë.

Deti i Vdekur është ndoshta më i famshmi – veçanërisht në industrinë e estetikës dhe të kujdesit për shëndetin e njeriut.

Njerëzit shkojnë në Izrael nga e gjithë bota për t’u larë në ujërat dhe baltën e pasur me lëndë ushqyese të Detit të Vdekur. E veçanta është se në ujërat e Detit të Vdekur, mund ta lahesh edhe duke lexuar një libër, pasi nuk fundosesh.

Në vend të operacioneve plastike, balta e Detit të Vdekur ofron një mënyrë natyrale për estetikën.

Thuhet se Mbretëresha e Shebës ishte e para që zbuloi vetitë kuruse të Detit të Vdekur.

Por ishte Mbretëresha egjiptiane Kleopatra ajo që ndërtoi banjën e parë që bota ka njohur, aty.

Sot, njerëzit në të gjithë botën përdorin produkte bukurie, nga deti i kripur.

Çfarë e bën Detin e Vdekur që i jep veti kaq të rralla, saqë njeriu qëndron mbi ujë dhe madje edhe veti të larta kuruese?

Ekspertët thonë se është përqendrimi i lartë i kripërave dhe mineraleve", transemton NOA.al.

Ujërat e Detit të Vdekur përmbajnë 35% të mineraleve për litër. Ka më shumë se 21 minerale të ndryshme në ujë, përfshirë magnezin, kalciumin, kaliumin, bromin dhe sulfatin.

Ekspertët thonë se këto minerale mund të ndihmojnë në problemet e lëkurës.

Këto minerale janë sekreti i vetive shëruese të Detit të Vdekur dhe ato ndikojnë në lëkurën dhe trupin në shumë mënyra.

Magnezi është një anti-inflamator i fuqishëm, dhe është i përfshirë në më shumë se 300 reagime thelbësore të trupit. Nga prodhimi i energjisë deri tek riparimi i ADN-së, lëvizja e muskujve dhe sinjalizimi i qelizave, magnezi relakson trupin, lufton depresionin, forcon kockat dhe përmirëson gjumin.

Magnezi është kryesisht përgjegjës për vetitë hidratuese të lëkurës. Ky lloj minerali haset në Detin e Vdekur dhe është i lidhur me ujin, duke e bërë më të lehtë për përmirësimin e vitive të lëkurës.

Natriumi është një përbërës tjetër që gjendet në Detin e Vdekur. Ndërsa shpesh na është thënë që të kufizojmë konsumin tonë të natriumit, ai është një elektrolit i rëndësishëm që luan një rol të madh në thithjen e lëndëve ushqyese, presionit të gjakut, ekuilibrin e lëngjeve dhe transmetimin e sinjaleve nervore.

Kaliumi është një elektrolit tjetër i rëndësishëm, dhe ngarkesa e tij pozitive sjell energji elektrike brenda lëngjeve të qelizave tona. Ky mineral është thelbësor për ritmin e zemrës, hidratimin, ekuilibrin e pH dhe kontraktimet e muskujve.

Kalciumi është i njohur për rolin e tij për dhëmbë dhe kocka të shëndetshëm, por gjithashtu luan një rol në rregullimin e hormoneve, qarkullimin e gjakut, stabilizimin e enzimave dhe rregullimin e peshës së trupit.

Përveç të gjitha këtyre mineraleve, Deti i Vdekur përmban gjithashtu squfur, i cili ka veti natyrore antibakteriale. Kripa e detit përmban vetëm një sasi të vogël të squfurit, kështu që është e mjaftueshme për të ndihmuar në pastrimin e akneve dhe ekuilibrin e yndyrës së lëkurës.

Së bashku me karakteristikat e saj, kripa nga Deti i Vdekur mund të lehtësojë ngërçet e muskujve si dhe dhimbjen.

Karakteristikat qetësuese dhe anti-inflamatore të magnezit japin pjesërisht efekt në trupin e njeriut.

Një studim zbuloi se larja në Detin e Vdekur gjatë 10 ditëve përmirëson dhimbjen e muskujve, shqetësimet gjatë gjumit, ndryshimet e humorit, lodhjes dhe madje edhe të kujtesës. P

Karakteristikat mistike të Detit të Vdekur në të vërtetë nuk janë një mister. Përmbajtja e lartë minerale e baltës dhe ujërave është ajo që i jep detit vetitë e tij të veçanta dhe kuruese.

Emri në hebraisht, në fakt, është " Deti i Kripur" – "Jam Ha’Melah", por ndërkombëtararisht njihet si "Deti i Vdekur"./NOA.al