Operacioni Forca e Ligjit vë në shënjestër pasurinë e katër personave në Krujë dhe Fier, të dënuar për vrasje dhe drogë.

OFL kërkon që të provojnë origjinën e pasurisë Hasan Albrahimi, Muharrem Kulla, Agim Hëna dhe Abaz Berhami.

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

-Hasan Albrahimi, banues në Fushë Krujë, i dënuar për veprën penale “Prodhimi dhe shitja e narkotikëve, kryer në bashkëpunim”;

-Muharrem Kulla, banues në Krujë, nën hetim për veprën penale “Kultivimi i bimëve narkotike”;

-Agim Hëna, banues në Fier, i dënuar nga Gjykata e Rrethit Gjyqësor Krujë, për veprat penale “Vrasja me paramendim” dhe “Armëmbajtja pa leje”;

-Abaz Berhami, banues në Krujë, i dënuar për veprën penale “Vrasja me paramendim”.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme. /a.y/noa.al