Shifrat në rritje të të infektuarve me Covid 19, pas ditës së djeshme ku u shënua rekordi prej 90 të prekurish, kanë vënë në lëvizje autoritetet shëndetësore.
Pritet të bëhët publik përditësimi i 24 orëve të fundit, ndërsa ministrja e Shëndetësisë Ogerta Manastirliu thotë se “sot në spitalin infektiv mes qytetarëve të shtruar, ka të rinj që po trajtohen për simptoma të rënda të shkaktuara si pasojë e COVID19."
Ajo tha se, "virusi nuk bën dallim moshe”.
Ministrja e vuri theksin tek neglizhenca e qytetarëve ndaj masave të vendosura dhe distancimit social, ndaj edhe u bëri sërish thirrje qytetarëve që të mos kujtojnë se çdo gjë ka mbaruar me daljen e vendit nga izolimi.
“Sot, ka shumë të rinj që me kontaktet e shpeshta me njëri-tjetrin, pa i respektuar rregullat, rrisin mundësinë e përhapjes së infeksionit dhe e përcjellin atë tek prindërit, gjyshërit, duke i vënë ata në rrezik serioz!", nënvizoi Manasterliu
"Vetëm me kontributin e të rinjve, për të marrë përgjegjësi individuale në këtë kohë të pazakontë, përhapja e coronavirusit të rrezikshëm mund të frenohet!”, ishte mesazhi i ministres, që e shoqëroi edhe me një video sensibilizuese të Julka Gramit.
Manasterliu bëri edhe këtë apel:
Vendose maskën
Ruaj distancën
Laj shpesh duart
RuajVeten, Ruaj Të Tjerët.
/NOA.al
Unë përdor maskë, bëje dhe ti!
🔴#COVID19‼️Sot në spitalin infektiv mes qytetarëve të shtruar, ka të rinj që po trajtohen për simptoma të rënda të shkaktuara si pasojë e COVID19, sepse virusi nuk bën dallim moshe. Sot, ka shumë të rinj që me kontaktet e shpeshta me njëri-tjetrin, pa i respektuar rregullat, rrisin mundësinë e përhapjes së infeksionit dhe e përcjellin atë tek prindërit, gjyshërit, duke i vënë ata në rrezik serioz! Vetëm me kontributin e të rinjve, për të marrë përgjegjësi individuale në këtë kohë të pazakontë, përhapja e coronavirusit të rrezikshëm mund të frenohet! 😷 Vendose maskën🙏🏼↔️ Ruaj distancën🧼 Laj shpesh duart#RuajVeten #RuajTëTjerët 🤜#COVID19🤛
Publiée par Ogerta Manastirliu sur Vendredi 3 juillet 2020