Tifozi më i veçantë i Seltik! “The Sun”: Si u dashurua Presidenti i Shqipërisë me klubin e famshëm skocez
Transmetuar më 07-07-2020, 22:04

Mund të jesh në detyrën më të lartë të kombit, dhe kjo do të ishte ambicje për të gjithë – por duke gjykuar videot dhe fotot që ka bërë publike, në rrjetet e tij sociale, Presidenti Ilir  Meta duket po aq i emocionuar sa çdo tifoz tjetër i zjarrtë i Celtic në Skoci.

Presidenti i Shqipërisë Ilir Meta postoi vitin e kaluar një foto me në një fanellë keltike, duke bërë jehonë në mesin e tifozëve të zjarrtë të Seltik.

Meta, nga një tifoz i panjohur i bë i famshëm mes tifozëve të shumtë të Celtic, për shkak të detyrës së tij të lartë, kur shkroi në Twitter: "Unë kam një ëndërr dhe është koha ta bëj atë reale!"

Prestigjozja "Sun Sport" i ka kushtuar një artikull tifozit special të Celtic, Presidentit të Shqipërisë.

Presidenti u fotografua në mesin e tifozëve të Celtic, kur ata luajtën sezonin e fundit kundër FK Sarajevo dhe ai e bëri publik atë në rrjetet sociale.

Meta, 50-vjeç, ish-peshëngritës dhe përkrahës i Seltik, është President i Republikës së vendit të vogël Ballkanas.

Ai më parë ishte Kryeministri i Shqipërisë, madje e mori këtë detyrë në moshën 30 vjeç", shkruan "The Sun", transmeton "NOA.al".

Meta i tha "Sun Sport" sesi lindi dashuria e tij për klubin skocez, kur aty nënshkroi ylli i Kombëtares së Shqipërisë, Rudi Vata, në fillimet e viteve 1990.

"Dashuria ime për Celtic u forcua kur kapiteni i Shqipërisë Rudi Vata nënshkroi për atë klub në vitet 1990", tha Meta.

"Por unë kisha qenë në dijeni të tyre shumë përpara kësaj. Kur isha fëmijë, Celtic luajti kundër Partizanit të Tiranës, në Kupat Evropiane, 1979".

“Unë isha një tifoz futbolli dhe madje mund të kujtoj rezultatin dhe golashënuesin. Partizani fitoi 1-0, pas një goli fantastik nga Agim Murati".

"Kjo ishte një ndeshje e paharrueshme, sepse në kohën e komunizmit kishte shumë pak ndeshje kundër skuadrave si Celtic".

"Fatkeqësisht Partizani humbi ndeshjen e kthimit 4-1 në Glasgoë".

"Pastaj në 1982 isha në stadium kur Aberdeen barazoi 0-0 me Dinamon e Tiranës. Kështu që unë kam njohuri për futbollin skocez, për një kohë të gjatë".

Meta më pas tregoi edhe për miqësinë me Rudi Vatën.

"Kur u bëra Kryeministër, diskutoja rreth futbollit me Rudi, kur ai luajtnte për Kombëtaren. Ai fliste me mua shpesh për të qenë pjesë e një klubi të shkëlqyer në Celtic.

"Në atë kohë unë gjithashtu takova Lordin George Robertson, i cili ishte sekretar i përgjithshëm i NATO-s, dhe ai gjithmonë do të fliste me mua për Rudin dhe Celtic".

“Kur Rudi mbylli karrierën në Shqipëri, familjet tona lidhin edhe miqësi".

"Unë kam qenë një herë në Glasgoë, sepse vajza ime Bora ka studiuar atje".

"Ne u futëm në taksi dhe shoferi pyeti se nga ishim. Kur i tregova, ai thirri: ‘Shqipëria! Vendi i Rudi Vatës!"

"Kjo vërtetoi rëndësinë e futbollit për mua", tha Meta.

"Të nesërmen hyra në dyqanin e Celtic në Glasgoë dhe bleva disa bluza kelt të cilat i vesha kur shkova për shëtitje".

"Unë gjithashtu kam një fanellë të Celtic që Rudi më dha si dhuratë".

"Një ditë do të vij në Skoci për një ndeshje të Celtic. Mezi e pres atë ditë", premtoi Presidenti Meta.

“Rudi më ka ftuar shumë herë, por orari im në Shqipëri është i zënë! Por jam i vendosur që në vitin 2020 do të vij në Glasgoë dhe kur të vij, jo si President".

"Unë dua të jem një tifoz në mesin e tifozëve, asgjë më shumë".

Meta shtoi se ndjek ndeshjet vendase të futbollit, por "jashtë Shqipërisë, vetëm Celtic".

"Unë jam një tifoz i këtij klubi dhe i tifozëve të shkëlyer të tij. "Nëse bëhesh një herë Kelt, mbetesh gjithmonë një Kelt!", u shpreh Meta.

"Kam pasur fatin e mirë të takoj disa tifozë të Celtic në Bosnje, korrikun e kaluar".

"Unë isha në një vizitë shtetërore dhe po shëtisja në një rrugë të Sarajevës me delegacionin tim, kur gjetëm disa tifozë që këndonin dhe pinin birra".

"Nuk e dija se ata po luanin në Sarajevë atë natë, por unë u prezantova, përmenda Rudin dhe të gjithë donin të realizonim video dhe foto".

"Ishte një rastësi, por atë ditë kisha veshur edhe kravatë jeshile!"

"Të nesërmen në drekë, zëdhënësi im i shtypit, Tedi Blushi, më tha se ka pasur shumë reagime në mediat sociale nga tifozët e Celtic".

"Që atëherë ka bërë postime në lidhje me Celtic dhe reagimet kanë qenë gjithmonë shumë të bukura".

"Postova një video të një goli të Rudit kundër Rangers – ai ishte shumë i njohur!", tha Meta, i cili foli më tej edhe për hobet e tjera që ai ka.

"Më pëlqen shëtitja dhe kam ngjitur majat më të larta në Shqipëri dhe Kosovë dhe kur të arrij atje, vendos fotografi të fanellës së Celtic!".

Loading...