Me dy viktimat e shënuara në 24 orët e fundit ka shkuar në 83 numri i viktimave si pasojë e koronavirusit në vend, duke e rënduar situatën.
Kjo pasi dy qytetare kanë humbur jetën në spitalin infektiv, ku po trajtoheshin në terapi intensive si pasojë e simptomave të rënda të shkaktuara nga Covid-19.
Pacientet 58 dhe 59 vjeç nga Tirana, me disa sëmundje bashkëshoqëruese, nuk mundën të mbijetojnë me gjithë përpjekjet e mjekëve dhe terapinë e trajtimit.
Ndërkohë situata në spitalin infektiv paraqitet serioze, ku ka rëndim të gjendjes shëndetësore të pacientëve në terapi intensive dhe është rritur numri i pacientëve të intubuar.
Aktualisht janë të shtruar 83 pacientë në spital, prej tyre 10 në gjendje të rëndë.
Më konkretisht 10 pacientë janë në terapi intensive dhe 4 prej tyre janë të intubuar në gjendje kritike.
Ndërsa në orët e fundit u konfirmuan 68 infektime të reja, aktualisht janë 1232 persona aktivë me Covid-19.
Shpërndarja gjeografike e rasteve aktive sipas qarqeve: Tiranë 488; Durrës 222; Shkodër 161; Vlorë 120; Lezhë 65; Fier 42; Korçë 31; Elbasan 28; Kukës 28; Berat 20; Gjirokastër 15 dhe Dibër 12. /a.y/noa.al
Koronavirusi merr dy jetë të tjera, shkon në 83 numri i viktimave
Konfirmohen 68 raste të reja me koronavirus, kush janë qytetet më të prekura
🔴MINISTRIA E SHËNDETËSISË DHE MBROJTJES SOCIALE – Përditësimi i situatës së COVID-19Genta Qirjako Instituti i Shëndetit Publik
Publiée par Edi Rama sur Mercredi 8 juillet 2020