Sekuestrohen në aeroportin e Rinasit, 42 mijë paund të padeklaruara.

Strukturat Doganore gjatë kontrollit të ushtruar në bashkëpunim me punonjësit e Policisë Kufitare, sekuestruan një shumë prej 42.000 paund cash, të cilat ishin të padeklaruara në Degën Doganore të Rinasit.

Gjithçka gjatë kontrollit të pasagjerëve të linjës ajrore Wizz Air me itinerar Luton-Rinas.

Nga kontrolli u konstatua se shtetasi me inicialet B.K., në valixhe kishte të padeklaruara një sasi prej 42.000 paund, të cilat iu sekuestruan në cilësinë e provës materiale.

Nga ana strukturave u kryen veprimet e para hetimore për veprën penale “Mosdeklarimi i të hollave në kufi dhe sendeve me vlerë”. /a.y/noa.al