Gjermania thotë se 10 vende evropiane kanë rënë dakord të marrin 400 të mitur të pashoqëruar që u larguan nga kampi më i madh i migrantëve në Greqi,  pasi u shkatërrua nga zjarri.

Shumica do të shkojnë në Gjermani dhe Francë, – u tha ministrave të Brendshëm të BE-së, Horst Seehofer.

Rreth 13,000 njerëz kishin jetuar në skllavëri në kampin Moria në Lesbos.

Familjet kanë fjetur në fusha dhe në rrugë, pasi kishin ikur nga flakët të Mërkurën, ndërsa autoritetet përpiqen të gjejnë strehim për ta.

Pranë rrënojave të Morisë, banorët e ishullit bllokuan rrugët për të ndaluar bamirësitë nga dhënia e ndihmës dhe thanë se ishin kundër ndërtimit të çadrave të reja.

Por ushtria greke më vonë përdori helikopterë për të arritur në vendin ku ndodhen emigrantët dhe ku kanë filluar vendosjen e akomodimit zëvendësues.

Pasi vizitoi zonën, Nënkryetari i Komisionit Evropian Margaritis Schinas njoftoi se kampi i shkatërruar do të zëvendësohej nga një strukturë moderne, në të njëjtin vend.

Kampi Moria u krijua fillimisht për të strehuar 3,000 migrantë. Njerëz nga 70 vende ishin strehuar atje, shumica nga Afganistani.

Pamje të marra nga vendi i ngjarjes, tregojnë sesi emigrantët janë detyruar që të flenë në trotuare ndërsa të tjerë kanë udhëtuar drejt fshatrave më të afërt për të kërkuar ujë dhe ushqim.

Zjarri i së enjtes thuhet se mund të jetë shkaktuar qëllimisht nga vetë emigrantët, të cilët kanë kundërshtuar masat anti-Covid.

Pamjet tronditëse të fëmijëve që flenë rrugëve kanë alarmuar perëndimin. Gjermania është treguar e gatshme që të largojë nga kampi të gjithë fëmijët e braktisur, për t;u gjetur strehë në vendin e saj, dhe vende të tjera të BE-së.

/NOA.al