Transmetuar më 18-09-2020, 19:21
Ish-modelja Amy Dorris ka akuzuar për ngacmim Presidentin e Shteteve të Bashkuara, Donald Trump.
Për këtë, “Daily Mail” ka rezervuar një artikull të tërë mbi rrëfimin e saj.
Ajo e akuzon kreun e Shtëpisë së Bardhë për sulm seksual gjatë turneut të tenisit “Us Open”, i cili u zhvillua para më shumë se 20 viteve.
Amy pretendon se Trump asokohe i ishte afruar në mënyrë kërcënuese jashtë tualetit në sektorin VIP.
Në atë kohë 24-vjeçe, ajo pretendon se Trump e ka prekur në të gjithë trupin.
“Ai mu afrua duke më puthur në qafë. Në atë moment shtrëngimi i tij u bë më i fortë dhe duart e tij mbështollën trupin tim”, u shpreh ajo.
Por vetë Trump i ka mohuar këto pretendime. /k.k/noa.al/