“Trump do të preket nga COVID, parashikimet e bujshme të Baba Vanga: Kur do t’i vijë fundi botës
Transmetuar më 04-10-2020, 15:56

Baba Vanga po konsiderohet si “Nostradamusi i Ballkanit” pasi besohet se ka parashikuar ngjarjet që do të ndodhin nëpër botë.

Ajo kishte parashikuar edhe infektimin me Covid-19 të Presidentit amerikan Donald Trump.

Pretendohet se vite më parë, Baba Vanga të kishte parashikuar se Presidenti i SHBA-ve do të vuante nga një “sëmundje misterioze” në vitin 2020, e cila do ta lërë të shurdhër dhe do t’i shkaktojë tumor në kokë.

Por “sëmundja misterioze” siç është cilësuar COVID-19 ka bërë që shumë media të huaja perëndimore të besojnë se ajo ka bërë parashikimin e duhur deri tani për Presidentin e SHBA.

Ajo që dihet është se më 2 Tetor  Presidenti amerikan Donald Trump konfirmoi se është prekur nga Covid-19 dhe ndodhet në një spital ushtarak për trajtim mjekësor.

Disa nga parashikimet e tjera të Baba Vanga thuhet se kanë qenë sulmet e 11 Shtatorit ndaj kullave binjake në SHBA, dalja e Britanisë së Madhe nga Bashkimi Europian dhe cunami vdekjeprurës në Tajlandë.

Thuhet gjithashtu se Baba Vanga ka bërë parashikime për ngjarjet që do të ndodhin në botë deri ditën kur ka vdekur, në vitin 1996.

Ajo u bë e famshme fillimisht me parashikimin që kishte bërë në vitin 1989. Baba Vanga kishte thënë: “Tmerr, tmerr. Vëllezërit amerikanë do të sulmohen nga zogjtë prej çeliku. Ujqërit do të ulërijnë dhe gjaku i të pafajshmëve do të derdhet”.

Këto fjalë të saj janë përkthyer si parashikim i sulmeve terroriste në SHBA, ku dy aeroplanë u përplasën në kullat binjake më 11 Shtator 2001.

Baba Vanga lindi dhe u rrit në një fshat që sot është pjesë e Maqedonisë së Veriut, dhe më pas jetoi në Bullgari, ku dhe vdiq. Ajo humbi shikimin nga bjë stuhi pluhuri dhe në zonën e saj u bë e njohur për parashikimet.

Në arenën ndërkombëtare, ajo kishte parashikuar një vit tepër të vështirë për 2020, një fund tragjik për Presidentin e Rusisë, Putin.

Baba Vanga nuk ka shkruar kurrë asnjë nga parashikimet e saj. Por qeveria bullgare i mori aq seriozisht profecitë e saj, saqë e përfshiu Baba Vangën në listat e pagamarrësve shtetërorë. Një ekip u ngarkua me detyrën për të shkruar të gjitha parashkimet që kishte bërë Baba Vanga dhe të transkriptonin intervistat që ajo kishte bërë me qytetarë të ndryshëm.

Disa nga profecitë e saj të ardhshme përfshijnë një ndryshim në orbitën e Tokës në 2023 dhe zbulimin e madh të një metode pune, të udhëtimit në kohë, në vitin 2304.

Parashikimet e saj përfundojnë në vitin e largët 5079, vit i cili, ka thnë ajo, do të shënojë fundin e Universit.

/NOA.al