Mbyllje e dytë si pasojë e pandemisë, Rama: Do kishte pasoja edhe më të rënda
Transmetuar më 19-10-2020, 17:19

I pranishëm në promovimin e platformës mësimore online https://akademia.al, Kryeministri Edi Rama tha se duhet shmangur një mbyllje e dytë për shkak të pandemisë.

Kjo, tha ai, do të kishte pasoja edhe më të rënda se mbyllja në fillim të muajit mars.

“Një mbyllje përsëri do të ishte shumë herë më me probleme e shumë më tepër pasoja në të gjitha aspektet dhe për të gjitha kategoritë”, u shpreh Rama.

Kreu i Qeverisë nënvizoi se ka një zgjidhje se si mund të shpëtojmë nga rimbyllja.

“Këtë rrezik mund ta shmangim duke mos shmangur atë që duhet të bëjmë në të përditshmen tonë, zakonin e vënies së maskës, sapo dalim nga shtëpia dhe ruajtjes së distancave.

Të shmangim grumbullimet dhe shkuartjet nëpër lokale”, tha Rama. /k.k/noa.al/