“Shqipe je më e mira”/ Surpriza nga i panjohuri për bukuroshen brune…
Transmetuar më 21-10-2020, 21:25

Takimi me Andin, në emisionin "Përputhen" në Top Channel, na prezantoi me një Shqipe tjetër, atë të përmbajtur dhe të sjellshme. Mes dyshes u pa që kishte një kimi dhe pëlqim.

Për këtë arsye, ata zgjodhën që të dilnin për një takim të dytë së bashku.

Por pak para se të shfaqej inserti i takimit, moderatorja Bora Zemani lajmëroi se një surprizë ka mbërritur në recepsion për Shqipen.

Ishte një buqetë e madhe me lule e cila iu dhurua vajzës nga një person anonim.

Askush nuk e dinte se nga kishe ardhur ajo buqetë, por Bora shtoi se mund të jetë një fans nga jashtë programit.

Ndërkohë Shqipja tha me humor, se cilido që është ai dhe ka një pëlqim për të, e fton që t’i bashkohet djemve në konkurrim.