“Hyn në restorante dhe mezi kalon”/ Brataj tregon se çfarë rrezikojmë në këtë fazë të pandemisë
Transmetuar më 21-10-2020, 23:38

Drejtori i Urgjencës Kombëtare në QSUT, Skënder Brataj është shprehur se me rastet e infeksionit që aktualisht janë evidentuar në Shqipëri, në 24 orë nuk rrezikojmë mbylljen.

Por në emisionin “Opinion”, Brataj tha se na rrezikohen masa të tjera shtrënguese nëse situata vijon të përkeqësohet.

Ndër të tjera Brataj theksoi se ende masat e vendosura nga qeveria për respektimin e distancës sociale, apo rregullat për biznese nuk zbatohen siç duhen, pasi sipas tij në restorante mezi kalon nga një tavolinë te një tjetër.

"Maska nuk është bërë për të mbajtur viruset, por për të mbajtur bakteret.

Pështyma, spërklat përplasen te maska dhe nuk kalojnë dhe virusi do të ndalojnë të barriera, pra maska.

Këto janë profesionale dhe përdoren në ambiente pune. Maska me valvul nuk bën punë, sepse ata infektojnë të tjerët dhe ai vetë nuk infektohet.

Është e pritshme rritja. Të gjitha kushtet janë në favor të virusit. Hyn në restorante dhe mezi kalon.

Në këtë moment nuk rrezikojmë mbylljen, me këto numra, por na rrezikohen kufizime të tjera", tha Brataj.