Ministrja e Administratës Publike dhe Vetëadministrimit Lokal, Marija Obradoviç, gjatë një paraqitje në seancën e sotme të Kuvendit të Serbisë, deklaroi edhe për propozimin e Kuvendit komunal të Bujanocit, që ministri Gent Cakaj të shpallet “Qytetar Nderi” i Bujanocit.

“26 këshilltarë, nga 41 sa ka Kuvendi i Bujanocit, kanë propozuar që Gent Cakaj të shpallet qytetar nderi i Bujanocit. Po, ata e kanë dërguar propozimin më 20 nëntor, dhe në mënyrë legale kanë vepruar, ku unë si ministre është dashur të nënshkruaj propozimin”.

“Por, unë sot kam nënshkruar vendimin me të cilin refuzohet, propozimi i Kuvendit komunal të Bujanocit, që ministri shqiptar, Gent Cakaj të shpallet qytetar nderi i Bujanocit” – deklaroi ministrja serbe.

Ministrja serbe si arsyetim për refuzimin e propozimit të Bujanocit, ka deklaruar se ministri shqiptar Gent Cakaj vazhdimisht ka akuzuar Serbinë për krime të kryera ndaj shqiptarëve të Kosovës.

“Ministri Gent Cakaj ka deklaruar se gjatë luftës në Kosovë, se Serbia është përgjegjëse për vrasjen e mijëra shqiptarëve, për depërtimin e miliona shqiptarëve dhe djegien e mijëra shtëpive që në esencë në vlerë prej miliona dollarëve” – the në argumentin e saj, ministrja Obradoviç.

Ajo më pas, ka pyetur, se a duhet të nënshkruajë një dokument për një ministër shqiptar që akuzon Serbinë, derisa është e vetëdijshme që Cakaj  i ka ndihmuar shqiptarët për krijimin e koalicionit për zgjedhje Parlamentare.

Kuvendi Komunal i Bujanocit, në seancën e fundit të mbajtur para dy javëve, me shumicë votash kishte propozuar që ministri në detyrë i Punëve të Jashtme të Shqipirisë, Gent Cakaj të shpallet qytetar nderi i Komunës së Bujanocit./a.m/NOA.al