Transmetuar më 01-01-2021, 01:00

DASHI: Janari nis më favorizues për Dashin, i cili kaloi një vit të ndërlikuar në 2020-n. Në këtë kuadër, do të keni mundësi të realizoni diçka të re. Ka pasur ndryshime në jetën tuaj dhe dëshirat tuaja ndryshojnë nga ato të vjetshmet. Duhet të bëni pak durim për të sistemuar llogari, çështje ligjore ose thjesht vonesa në kontrata. Dashi nuk demoralizohet kurrë, madje, bëhet edhe më i vendosur kur ka një pengesë për të kapërcyer. Ata që kanë pasur probleme psikologjike, më në fund mund të shpresojnë në konkretizimin e një projekti.

Marrëdhëniet me bashkëpunëtorët dhe ato në ambientin profesional janë më pak të ndërlikuara, por duhet të tregoheni gjithmonë të vendosur. Në sajë të ndikimit pozitiv të Jupiterit do të arrini të planifikoni diçka në aspektin ekonomik, pasi shumë probleme kanë lindur edhe për këtë motiv.Çiftet që janë lidhur prej një kohe të gjatë mund të kenë përjetuar një krizë vërtet të vështirë, madje në disa raste edhe një distancim fizik ose psikologjik të njërit partner.

Mund të ketë pasur raste sporadike ndarjesh, ose mundimi dhe mërzia mund të kenë shkaktuar probleme në lidhje. Kur ktheheni të lodhur në shtëpi është e vështirë të ruani ekuilibrin. Disa çifte të mbingarkuara në punë ose me probleme ekonomike kanë hasur në vështirësi serioze. Janë muaj që favorizojnë ripërtëritjen.

Zemrat e vetmuara mund t’u krijojnë hapësirë emocioneve pozitive dhe mund të vërehet një moment force në këto lidhje, që duke pasur themele të forta, mund të sjellë ndryshime interesante. Të lindurit e kësaj shenje, që duan të krijojnë lidhje të reja, janë shumë të favorizuar, pasi emocionet këtë muaj janë të paparashikueshme. Forma fizike vuan ende pasojat e një viti të shkuar aspak favorizues, ndaj është e rëndësishme të shmangni stërmundime, pasi ky muaj i parë i vitit është goxha dërrmues. Ka nga ata që vëzhgojnë punën tuaj dhe kritikojnë vazhdimisht atë që bëni. Pavarësisht të gjithave, mundësitë për të ecur para dhe për t’u përmirësuar janë të shkëlqyera.

DEMI: Atyre që kanë nisur një aktivitet të ri, papritur mund t’u duket sikur po humbin kohë.  Do t’ju shtohet dëshira për të bërë diçka ndryshe. Sipërmarrësit dhe ata që merren me një biznes të vetin brenda shkurtit duhet të reduktojnë shpenzimet, ose në disa raste do të bëni edhe shkurtime stafi. Janari është muaj kursimesh në aspektin profesional, por edhe i diskutimeve të vazhdueshme.

Do të ndodhë një ndryshim i padëshiruar, por i imponuar nga fati. Nëse prisni një lehtësim në janar, me gjasa nuk do të ndodhë deri në maj. Ata që kanë një aktivitet të vetin dhe duan të zgjerohen mund ta kenë të vështirë të sigurojnë lejen e duhur. Disa të tjerë mund të hasin në pengesa për motive banale. Do të ndieni një ngadalësim të përcaktuar nga Saturni, që do të ndihet kryesisht në aspektin ekonomik. Megjithatë, në janar mund të filloni të përgatiteni për rikthimin e madh e të shumëpritur që do të ndodhë në pranverë. Janari ofron mundësi të mira pune. Shmangi shpenzimet e tepërta për nevojat shtëpiake dhe familjare, sepse një kredi ose një borxh i vjetër mund t’ju rëndojnë ca më shumë.

Ndjenjat janë gjithnjë e më të rëndësishme, ndonëse aspekti profesional nuk ndikon për mirë. Para majit është e vështirë të ketë situata të reja favorizuese. Pikërisht në çaste të tilla dallohet madhështia dhe forca e një dashurie. Fatmirësisht, në janar do ta keni këtë mundësi.

Megjithatë, duhet të bëni kujdes nga një ish-partner me të cilin ka mbetur pezull një çështje që lidhet me paratë. Është më mirë të diskutoni, sesa të sulmoni ose të nisni një betejë të gjatë ligjore. Ata që duan të ndryshojnë shtëpinë, me gjasa deri në pranverë mund të mos kenë të ardhurat e duhura. Dashuritë që do të lindin në janar mund të jenë intriguese. Duke qenë njerëz shumë të lidhur me të shkuarën, mund të interesoheni edhe për dikë që deri më tani e konsideronit mik, por e shihni me tjetër sy tashmë. Rreth datës 21 prisni lajme. Janari nuk e favorizon shumë shëndetin fizik, pasi ndikimi i planetëve nuk është favorizues. Duhet të bëni kujdes rreth datës 14, 28 dhe 29. Shmangni stresin dhe lodhjen. Si zakonisht, mund të keni probleme me fytin.

BINJAKËT: Muaji i parë i vitit sjell një mbarësi që do ta kishte zili kushdo, për shkak të ndikimit të Jupiterit dhe Saturnit. Nëse keni nisur një punë të re, ose nëse keni pasur probleme në rimëkëmbjen e një aktiviteti, që nga ky moment gjërat shkojnë shumë më mirë.

Mund të kërkoni një rritje të vogël rroge, ose mund të çliroheni nga një barrë. Këtu bëhet fjalë për sipërmarrës të cilët janë detyruar të vazhdojnë një sipërmarrje, pavarësisht ngurrimeve të dy vjetëve të fundit. Do të ketë nga ata që do të mendojnë për një shitje ose transferim kuotash, nëse s’e kanë hedhur si hap të rëndësishëm që në verën e vitit 2020. Pas datës 18 duhet t’u kushtoni vëmendje risive dhe ideve pozitive.

Do të keni mundësi t’i përvisheni punës, por edhe t’i kushtoheni dashurisë. Nëse keni një jetëshkrim të pasur, dikush mund t’ju ofrojë diçka konkrete.

Keni kaq shumë çështje profesionale dhe praktike me të cilat duhet të merreni në janar, sa shpresoj të keni kohë për t’u marrë me dashurinë. Nuk diskutohet dëshira për të krijuar lidhje dhe takimet e zhvilluara në janar do të përsëriten edhe në shkurt. Ky është muaji ideal për çiftet që duan dhe mund të bëjnë fëmijë. Ata që janë ndarë dhe mendojnë se nuk kanë më raste që ia vlejnë, duhet të ndërrojnë mendim. Nuk duhet të shtoni ankthin në marrëdhëniet në çift, edhe nëse diçka nuk shkon.

Është e rëndësishme të bëni një analizë serioze të emocioneve tuaja dhe të synoni njohje të reja. Madje edhe ndarjet shihen me sy të mirë, sepse sjellin risi dhe në shumë raste, ata që duan të largohen nga një lidhje do ta bëjnë se kanë krijuar një lidhje tjetër. Çiftet e forta, edhe pas një krize, do të gjejnë zgjidhjen dhe intimitetin e humbur në të shkuarën. Gjysma e dytë e muajit është pa diskutim edhe më e mirë për të marrë veten ndjeshëm në aspektin psikofizik. Sidomos nga data 18-24. Me gjasa do të keni probleme stinore rreth datës 16. Duhet të sistemoni jetën, ta bëni pak më të qetë.

GAFORRJA: Mund të përjetoni ndryshime të shumta, madje edhe të hiqni dorë nga një punë që ju stresonte, nga një projekt ose program që nuk do të vazhdojë më ose do të ndryshojë goxha.

Kriza që shtyu disa sipërmarrës të mbyllin një biznes ose të ndryshojnë marrëveshjen me furnitorët do të kapërcehet ngadalë dhe ata që kanë një aktivitet të vetin duhet të luftojnë më pak, duke ecur para me më pak polemika. Ka mosmarrëveshje të karakterit ligjor ose financiar që duhen zgjidhur. 2021-shi është viti i ndryshimeve të mëdha në jetën tuaj dhe janari e tregon më së miri këtë. Situata do të përmirësohet rreth datave 16 dhe 26. Ata që kanë ndërruar shtëpi ose janë transferuar duhet të presin propozime për punë të reja.

Të lindurit e shenjës së Gaforres nuk janë shpërblyer në dashuri gjatë vitit 2020, madje ka pasur nga ata që e kanë shtyrë një lidhje për inerci. Ndaj, shumë janë të bindur se janë të pafat në dashuri, ose që dashuria nuk ekziston. Madje edhe ata që kanë një lidhje të fortë, kohët e fundit ndihen të lënë mënjanë. Janari nuk është ndonjë muaj i zjarrtë për sa u takon ndjenjave, edhe pse do të ketë takime interesante.

Ata që janë në lidhje kanë mosmarrëveshje dhe duhet të bëjnë kujdes nga keqkuptimet. Ata që njihen prej pak kohësh mund ta thellojnë lidhjen e tyre. Historitë që lindin tani janë të bukura, por nuk duken jetëgjata. Megjithatë, gjërat do të ndryshojnë shumë shpejt për mirë. Duhet t’i kushtoni pak vëmendje lëkurës dhe fryrjeve, pasi ndihen ende pasojat e gjërave që ndodhën gjatë muajve të fundit. Terapitë dhe kurat e nisura në ditët e para të muajit mund të japin rezultatet e dëshiruara. Nuk keni pse akumuloni tension të panevojshëm vetëm nga frika e përballjes me shndërrime dhe të reja.

LUANI: Që nga gjysma e dytë e vitit të kaluar jeni përballur me ndryshime në aspektin profesional. Ndonjëherë sepse jeni treguar tepër të sinqertë, ose ngaqë keni thënë mendimin tuaj, jeni mënjanuar, ose vetë ju vendosët që një palë e caktuar nuk ju interesonte më.

Disa kanë ndryshuar krejtësisht profesion, ose kanë hapur dhe mbyllur sërish një aktivitet. Sipërmarrjet e hapura prej pak muajsh nuk i tregojnë menjëherë rezultatet. Janari mund të jetë edhe muaj tensionesh. Dita me më shumë polemika do të jetë data 14.

Edhe ata që kanë një rol drejtues do të kalojnë një tension të madh, sepse duhet të tregojnë sa vlejnë. Luanit nuk i pëlqen të ndihet i gjykuar. Nuk do të mungojë solidariteti i njerëzve të dashur. Me pak durim dhe maturi mund të kapërceni vështirësitë që në fillim të vitit dukeshin të pakapërcyeshme.

Ndjenjat në çift kanë njëfarë pakënaqësie, që e kanë origjinën nga një sërë faktorësh, si konkurrenca.

Për shembull, nëse njëri nga të dy punon dhe ka sukses, ndërsa tjetri jo. Një arsye tjetër mund të jetë edhe largësia fizike. Në rastin e beqarëve shihet një frikë se mund të gabojnë. Ka raste kur me vetëdije shtyni lidhje që s’kanë të ardhme, ose analizoni këdo që njihni, duke rrezikuar të trembni atë që mund të jetë një partner i mirë. Do të ketë ditë të caktuara që lidhja juaj mund të kalojë një sprovë, por tensioni do të rritet rreth datës 14 dhe 21. Bëni mirë të sqaroni situatat e paqarta, përndryshe rrezikoni të bartni me vete një sërë ndërlikimesh edhe në shkurt.

Dashuritë e lindura në janar janë të lodhshme, ndaj mund të kërkoni me vetëdije lidhje alternative që nuk çojnë askund, ndoshta vetëm për të thënë që jeni të lidhur. Janari është muaj lufte dhe për pasojë edhe tensionesh të mëdha të duhet të mundoheni t’i shmangni. Mund të ndiheni të lodhur sidomos në datat 22, 28 dhe 29, kur Hëna të jetë në shenjën tuaj. Ndieni brenda vetes një rebelim të madh, si të ishit viktimë e një padrejtësie. Edhe pse hiqeni sikur s’ka ndodhur gjë, ruani brenda vetes pak hidhërim.

VIRGJËRESHA: E nisni vitin mbarë, për shkak të ndikimit të Venusit dhe Marsit në shenjën tuaj. Mund t’ju lindin ndjenja të reja rreth datës 12. Pas një viti të trazuar që po lini pas, është normale të rifilloni një projekt, por s’duhet të harroni se këtë vit, mundësitë tuaja për t’u rimëkëmbur dyfishohen.

Nuk duhet harrur që jeni shenjë burimesh të pashtershme, të aftë të bëni gjithçka. Është çasti i duhur për të programuar diçka të bukur brenda marsit. Mund të krijoni një bashkëpunim të ri, një kontratë. Ky është momenti i duhur për të vepruar.

Janari është periudhë e favorshme për çiftet. Kjo është periudhë e rëndësishme për ata që kërkojnë dashurinë. Nga data 8, ndikimi i Venusit është i favorshëm jo vetëm për ata që duan aventura, por edhe për ata që duan të bëjnë një fëmijë ose duan një shtëpi të re.

Virgjëreshën e lodh kërkimi vetëm i dashurisë fizike, ndaj i pëlqen të projektojë në çift, të bëjë programe. Për këtë arsye, nëse gjeni partnerin e duhur, mund të keni edhe një të ardhme të ndritur profesionale. Datat më të favorshme për t’iu përkushtuar mirëqenies fizike janë 21, 22 dhe 26. Mund të gjendet zgjidhja, madje mund të flitet për ardhjen e diçkaje pozitive. Nëse do të keni pengesa fizike, do t’i kapërceni më së miri.

PESHORJA: Me gjasa disa nga ju kanë bërë ndryshime të rëndësishme profesionale gjatë muajve të fundit të vitit 2020. Viti 2021 do të karakterizohet nga dëshira për të hedhur rrënjë diku.

Ndryshimet do të ndihen nga data 8, për shkak të ndikimit të Mërkurit në shenjën tuaj, që do të bashkohet me Jupiterin, Saturnin dhe Diellin më datë 19. Janari ofron më shumë garanci, madje do të merrni lajme të mira. Do të ofrohen mundësi interesante për profesionistët e lirë që duan të përmirësojnë gjendjen e tyre. Ata që e kanë përjetuar me vështirësi një ndryshim profesional do të përballen me aventura të reja, duke pasur kështu mundësinë të marrin detyra prestigjioze.

Do të kenë energji me tepri, por edhe dëshirë për të punuar fort. Data 14 shënon fillimin e një avantazhi të madh.

Edhe dashuria është favorizuese, përveç rasteve kur keni lënë çështje pa zgjidhur. Duhet të kujtojmë se pranvera dhe vera e vitit të shkuar ishin një provë e fortë për çiftet dhe është normale që një muaj kaq i rëndësishëm sa janari të ketë ndonjë vështirësi.

Ditët me më shumë tension në familje janë datat 12, 13, 19 dhe 20. Por çiftet që kanë baza të forta e marrin veten shpejt. Ata që s’e kanë gjetur ende dashurinë do të jenë shumë të favorizuar gjatë shkurtit. Janari sjell ndryshime të mëdha vetëm për çiftet që janë në krizë prej kohësh.

Janari jua shton energjinë, edhe për shkak të ndikimit pozitiv të shumë planetëve. Megjithatë, në ditë të caktuara të muajit mund të keni shqetësime fizike dhe tension. 10 ditët e fundit të janarit duhet t’i shfrytëzoni për të nisur terapi.

AKREPI: E dini që rolit tuaj po i vjen fundi, po përfundon një cikël profesional dhe po nis një tjetër. Nuk do të jetë kalim i lehtë, pasi do të ndiheni të pafuqishëm për të arritur qëllimet tuaja, ndaj duhet t’i paraqisni shumë qartë kërkesat tuaja.

Do ta keni të vështirë të frenoni padurimin dhe ndjeshmërinë në marrëdhënie me kolegët, shefat dhe bashkëpunëtorët. Madje duhet të flisni qartë, sidomos më datë 14. Ata që punojnë për një kompani mund të ndryshojnë rol. Brenda gjysmës së këtij viti duhet të vendosni se ç’do të bëni në të ardhmen. Ata që kanë mbushur moshën e pensionit duhet të ndryshojnë stil jetese dhe ta harrojnë të shkuarën. Të rinjtë që punojnë kërkojnë përvoja të reja dhe ndihen të pakënaqur. Për momentin, mos u shpërndani tepër, por përqendrohuni në sektorin me më shumë interes. Nuk është periudha e duhur për të rrezikuar në lidhje me çështje ligjore, burokratike, pasi secila prej tyre duhet ndjekur me shumë kujdes.

Çiftet e ndara kanë ende diçka për të thënë dhe është e vështirë të gjejnë një pikë të përbashkët. Lidhjet e reja janë interesante, por prej kohësh nuk i pranoni më situatat e paqarta. Nëse nuk jeni të lidhur, mund të tregoheni shumë mosbesues ndaj një propozimi sentimental. Kuptohet qartë që nëse nuk gjeni stimuj, nëse nuk gjeni një ekuilibër të brendshëm, gjithçka do t’ju duket pak më e rëndë. Duhet të bëni shumë kujdes me anën ekonomike. Ata që jetojnë një histori paralele me një person të martuar do të jenë shumë nervozë, ose do ta paguajnë shtrenjtë në fund të muajit. Ata që janë ndarë mund t’i kërkojnë më shumë ish-partnerit. Muaj i lodhshëm, i vështirë për t’u menaxhuar.

Do të ketë çaste që do t’ju duket sikur nuk keni energjinë e mjaftueshme për t’u përballur me problemet. Do të keni shqetësime psikopatike rreth datës 14 dhe 21, por edhe në fund të muajit. Kjo prirje për melankoli duhet bllokuar përfundimisht.

SHIGJETARI: Falë ndikimit të Jupiterit dhe Saturnit, që do të ndihet sidomos më datë 19, nuk do ta keni aspak të vështirë të arrini ato që dëshironi. Në disa raste do të flitet për programe të reja, projekte që kanë nisur nga vjeshta. Madje, disa do të ndryshojnë punë, nëse e shkuara s’është treguar shumë favorizuese me ta. Disa çështje private kanë ndikuar në aspektin profesional. Janari ju sjell shpresë. Kontaktet janë jashtëzakonisht të rëndësishme, profesionistët e lirë kanë mundësinë të zgjerojnë rrezen e veprimit. Mos ngurroni të ndryshoni punë nëse ka diçka që nuk ju pëlqen në punën aktuale. Njiheni për zgjedhjet e lira që bëni, nuk ju mungon guximi, as kur bëhet fjalë për t’ia nisur nga e para.

Nëse vazhdoni lidhjen me të njëjtin person, do të thotë që është lidhje e fortë dhe nuk bazohet vetëm te tërheqja fizike. Por ka edhe lidhje më pak të vyera, si për shembull çiftet që prej kohësh kanë një bashkëjetesë të sforcuar, pa pasur mundësi të dalin nga shtëpia. Janari mund të jetë muaj prove për ta. Duhet të dini që janari ju ofron mundësinë të rifitoni emocionet. Me bashkëpunimin e të dyja palëve, marrëdhënia mund të ripërtërihet. Por mund të ketë edhe largime, për shkaqe profesionale, te disa çifte do të ketë debat për shkak të mungesës së njërit prej partnerëve për arsye pune. Duhet të ruheni nga xhelozia.

Ndikimi i Mërkurit më datë 8 dhe i Diellit më datë 19 shtojnë dëshirën për rikuperim psikologjik. Duhet të tregoheni të gatshëm të anashkaloni ndonjë padrejtësi që ju është bërë në punë, të gjeni guximin të jetoni si doni. Kështu do të merrni edhe veten fizikisht. Jeni një shenjë që e urreni kufizimin e lirisë, ndaj tani që mund ta tregoni veten nuk duhet ta humbni rastin.

BRICJAPI: Bricjapi ishte një nga shenjat më të forta për vitin 2020, sepse diti të reagonte me vendosmëri përballë të gjitha problematikave. Tani duhet të përcaktoni synimet tuaja dhe si të reagoni sa më mirë. Janari nis mbarë. Datat 12, 13, 21 dhe 22 janë ditë me fat. Mos e mundoni veten nëse keni hequr dorë nga diçka, me siguri ishte barrë e tepërt.

Që në fillim të vitit 2021 do të nisni një vrap të pandashëm. Mundohuni të shfrytëzoni një ide të mirë, edhe mundësinë për të bërë diçka që nuk e kishit bërë më parë. Janari është i mbarë profesionalisht. Të gjithë ata që kanë kaluar një krizë, tani i kanë më të qarta të gjitha raportet. Në përgjithësi, janari hap dyert e mundësive të mëdha, që mund të ndodhin deri në verë. Në të vërtetë, pjesa e dytë e vitit do të jetë e mbushur me energji. Vjeshta do të jetë e rëndësishme, me themele të forta. Gjithsesi, duhet të tregoheni të kujdesshëm me shpenzimet e tepruara.

Çiftet që janë përballur me probleme të rëndësishme gjatë muajve të fundit do të dinë si të ecin para. Fundja, jeni një shenjë që s’e doni sakrificën. Madje mendoni se suksesi është për ata që e meritojnë. Kjo vlen edhe për dashurinë. Nëse e doni dikë, jeni të gatshëm të luftoni vetëm për të mbajtur gjallë lidhjen.

Ndryshon çështja nëse doni dikë që nuk ju do njësoj, ose nëse jeni të martuar prej kohësh dhe kërkoni ndjesi të reja. Duhet të tregoheni të mençur dhe të vlerësoni vetëm historitë e vërteta, ato që kanë një të ardhme. Marrëdhëniet familjare janë më pak të tensionuara, vetëm nëse jeni të lidhur me një Luan ose një Akrep. Mos i nënvlerësoni dashuritë e reja.

Duhet thënë se rikuperimi është i lehtë në këtë stinë dimërore, që për më tepër ju shkon. Do të ndieni njëfarë lodhjeje në datat 18 dhe 19. Zakonisht, kurat e nisura në këtë periudhë funksionojnë. Do të keni energji dhe takime me ekspertë që mund t’ju zgjidhin problemet me ankthin.

UJORI: Vit i rëndësishëm për punën dhe jo vetëm. Ju është sosur durimi prej muajsh, pasi ndikimi i të gjithë planetëve kundërshton Uranin, që sundon shenjën tuaj. Më datë 14 do të zemëroheni me shefin ose me një koleg. Mundoheni t’i largoni ata që s’ju kuptojnë.

Mund të hapni fronte të reja, por duhet përkushtim. Ju këshillojmë të mos mbani kaq shumë, sepse mund të ndodhë edhe të shpërtheni në një moment. Ndaj, është e rëndësishme ta shkarkoni zemërimin ose tensionin. Alternativat e reja profesionale janë shumë interesante, ndonëse në fillim mund t’ju duket situatë e zymtë. Nëse keni kërkuar një transferim, mund të merrni lajme të mira që në fillim të vitit.

Thuhet se Ujori priret të tradhtojë, por në shumicën e rasteve ndodh kur ka përkrah një partner xheloz dhe mbytës. Nëse gjejnë partnerin e duhur, krijues, mirëkuptues dhe të kënaqur, mund ta mbajnë me vite një lidhje. Të lindurit në këtë shenjë, që i kanë përjetuar në heshtje ndjenjat, ose nuk kanë ditur t’i shprehin ato, tani nuk kanë më justifikime për të heshtur. Çiftet që janë në krizë prej kohësh, rrezikojnë ndarjen ose edhe tradhtinë.

Duhet të bëni kujdes në datat 14, 15, 21, 22, 28 dhe 29. Muaji nis shumë i trazuar për sa i takon shëndetit fizik. Nëse e keni lënë pas dore shëndetin gjatë kësaj kohe, janari është muaji në të cilin duhet të ndaleni dhe të kujdeseni më shumë për veten. Në disa raste do të jetë e domosdoshme një vizitë për të zgjidhur një problem shëndetësor.

PESHQIT: Me siguri shumë nga të lindurit në këtë shenjë kanë filluar të rifitojnë terren, por nëse s’ka ndodhur është për shkak të dembelizmit, ndaj duhet të përvishni mëngët.

Profesionistët e lirë, shefat, sipërmarrësit janë në një situatë avantazhi, duke pasur parasysh ndikimin e shkëlqyer të Marsit nga data 6. Do të marrin lajme të mira edhe ata që kanë një problem ligjor për të zgjidhur. Është situatë e privilegjuar edhe për të rinjtë që duan të nisin një projekt të ri. Planetët gjithashtu e favorizojnë këtë shenjë edhe më datë 14. Nuk duhet të harroni se intuita juaj vlen shumë. Pjesa e fundit e muajit, rreth datës 26, mund të sjellë rezultate edhe më të mira.

Shumë gjëra varen nga dëshirat vetjake. Nëse keni në mendje dy histori, duhet të kuptoni me kë doni të rrini. Është momenti më i mirë për çiftet që munden dhe duan të zgjerojnë familjen.

Disa janë të shqetësuar për familjen, dikush në familje s’ka qenë mirë me shëndet, madje në të shkuarën keni sakrifikuar për të shpëtuar martesën dhe tani pretendoni shpërblimin e duhur. Është horoskop interesant, pasi do të mund të gjeni njëfarë ekuilibri.

Është një çast intrigues për ata që po përjetojnë një dashuri të re. Është e rëndësishme ta prisni me optimizëm këtë muaj të ri. Javët e janarit janë të mbara për të nisur terapi, por edhe për përmirësime estetike. Kujtojmë se Peshqit priren të jenë pak pesimistë dhe në ankth, ndaj duhet të gjeni një ekuilibër