Interi e ka nisur sezonin e ri 2021 me një fitore bindëse. Zikaltrit kanë mposhtur 6-2 Krotonen në javën e 15-të të kampionatit italian dhe janë ngjitur përkohësisht në vendin e parë të renditjes.
Heroi i ndeshjes ka qenë Lautaro Martinez, i cili ka realizuar tregolëshin e tij të parë në karrierë me Interin.
Protagonist ka qenë edhe Lukaku, autor i një asisti dhe një goli. Lajmi i keq për milanezët është se belgu ka kërkuar zëvendësimin në minutën e 75-të për shkak të një shqetësimi fizik.
Ndërkohë vazhdon të shkëlqejë edhe Hakimi, që sot ka realizuar golin e tij të pestë në këtë sezon të Serisë A.
Me këtë fitore, Interi ngjitet në vend të parë të renditjes përkohësisht me 36 pikë. /e.a/noa.al/
Gol do Hakimi ⚽#ItalianonoBandSports #InterCrotone 6-2pic.twitter.com/6Sfgk6nqvz
— Tweets Esportivo (@TweetsEsportivo) January 3, 2021