Qëndrimi shumë orëve të mbyllur brenda dhe jo duke shijuar ajrin e hapur, ndryshon një pjesë të hormoneve dhe me kalimin e kohës mund të nxisë shtimin e peshës. Mjekja Ervehe Dervishaj tregon se, për të shmangur shtimin në peshë duhet një shëtitje në ajër të hapur para se të shkoni në punë si dhe duke qenë jashtë gjatë kohës së drekës, për të konsumuar ushqime të shëndetshme dhe të shijshme

Qëndrimi me orë të tëra në një vend, ka të ngjarë të shtojë peshën. Zbuloni strategjitë e duhura, për të qenë të aftë dhe për të punuar më mirë. A keni shpenzuar shumë kohë në shtëpi apo zyrë? Kujdes nga kilogramët shtesë që mund të grumbulloni!

Ndër faktorët që ndikojnë në peshë, janë një pjesë e veseve që marrim gjatë punës, ngrënia e vakteve të mesme, si dhe mungesa e lëvizjes, por edhe mungesa e ekspozimit ndaj diellit dhe ajri i freskët. "Metabolizmi, mekanizmi që nëse funksionon në mënyrë efikase, ndihmon të qëndrojë i përshtatshëm, rregullohet nga ritmi i qarkullimit. Disa hormone, përfshirë ato që janë të përfshira në ritmin e ngopjes së urisë, gjithashtu prodhohen falë shfaqjes në dritë.

Këshilla

Qëndrimi për orë të tëra mbyllur dhe jo duke shijuar ajrin e hapur, ndryshon këto mekanizma të trupit dhe me kalimin e kohës, mund të nxisë shtimin e peshës. Gjëja e parë që duhet të bëni për ta shmangur atë, është të bëni një shëtitje përpara se të shkoni në punë dhe drekën ta konsumoni jashtë zyrës, me ushqime të shëndetshme – për të rifituar përqendrimin dhe që të mos rrezikoni marrjen e kilogramëve të tepërt.

Ndërkohë, shumë e rëndësishme është eliminimi i kafeve me sheqer. Sheqeri vazhdimisht stimulon prodhimin e insulinës, hormonit përgjegjës për atakët e urisë. Stresin e lodhjen e akumuluar gjatë kohës që jeni në zyrë, mund ta hiqni edhe duke konsumuar një grusht arra dhe fara me vaj në mes të mëngjesit ose në mes të pasdites.

Bajame, fistikë, arra, arra inde, kikirikë pa kripë, fara liri, fara kungulli, që sigurojnë sasi të mirë të Omega 3, si dhe acide yndyrore të mira, vitaminë E, minerale të tilla si magnez dhe kalium, të dobishme për të mbajtur një sistem të shëndoshë nervor dhe për të mbajtur nën kontroll lodhjet fizike dhe mendore.

Ushqimet         

Një nga gabimet më të shpeshta që bëhen, është ngrënia para kompjuterit pa u shkëputur nga e-mailet dhe punët e tjera që duhen bërë. "Rreziku është se hani shumë dhe pa e kuptuar. Këshilla është të hahet drekë jashtë, ulur në një stol ose në një dhomë tjetër nga ajo ku punoni në shoqërinë e kolegëve.

Kjo do t’ju ndihmojë të ndiheni së pari, më të plotë dhe më të çlodhur. "Rreziku është shumë i madh në orët e mëvonshme që të jep joshja e ushqimit të shpejtë (patate, sanduiçe, ëmbëlsira etj.,) ushqime të pasura me yndyrë dhe sheqer, të cilat janë të dëmshme për shëndetin”. Zgjidhja? "Gjithmonë gjej kohë për të konsumuar ushqimin e mesditës dhe të tregoni kujdes të veçantë për një pjesë të perimeve sezonale, të pasura me vitamina dhe minerale, të çmuar për funksionimin e mirë të trupit, duke e kombinuar atë me një sasi të vogël të karbohidrateve të tilla si, drithërat (elbi, oriz ngjyrë kafe, etj.,) që sigurojnë "karburant" për të përmbushur angazhimet. Ky lloj ushqimi të mban ngopur më gjatë, për shkak të pasurisë së tyre me fibra. Pastaj është e rëndësishme të hani ngadalë, për të shmangur problemet me tretjen.

Sanduiçet dhe brioshët duhet të shmangen!

Edhe pse ato ndalojnë urinë sapo janë konsumuar, në të vërtetë kanë gjasa të stimulojnë oreksin pas një kohe të shkurtër, për shkak të sheqernave që përmbajnë. Në vend të tyre konsumoni makarona në një pjatë me drithëra ose perime të përziera, një fetë bukë miell i pasitur thekre, ose në një sallatë patate me ton natyral ose mish pule. Gjithashtu, bishtajoret, të pasura me proteina dhe karbohidrate, janë të shkëlqyera. Kush është i detyruar të hajë me shpejtësi, në vend të kësaj mund të hajë edhe një pjatë me perime.

Përveç shtimit në peshë, qëndrimi ulur sjell edhe një sërë problemesh shëndetësore që kanë të bëjnë me:

Deformime në shpinë

Shpina e njeriut ka një formë S, për t’i bërë ballë stresit. Megjithatë, kur ulemi, forma S kthehet në C. Kjo çon në rënien në një pozicion të panatyrshëm, nëse nuk keni abdominale të trajnuara mirë. Tensioni transferohet në legen dhe kolonën vertebrale, duke shkaktuar një rritje të presionit mbi disqet ndërvertebrore.

Sistemi kardiovaskular

Një nga pasojat më serioze të qëndrimit ulur, është rreziku i sëmundjes kardiovaskulare. Kur e kalojmë ditën ulur, dobësohen muskujt dhe përkeqësohet qarkullimi i gjakut. Mungesa e aktivitetit fizik është një nga arsyet kryesore për arterosklerozën e hershme (një akumulim i pllakave të kolesterolit në enët e gjakut që kalojnë në zemër).

Venat me varice

Njerëzit që kalojnë shumicën e ditës duke qëndruar ulur në një tryezë vuajnë nga qarkullimi i dobët i gjakut në gjymtyrët e poshtme që mund të shkaktojnë venat me variçe. Përveç kësaj, për shkak të edhe të faktorit gjenetik, venat me variçe mund të favorizohen nga periudha të gjata të kaluara në këmbë. Gjithashtu, duhet të shmanget qarkullimi i dobët i gjakut, sepse mund të çojë në zhvillimin e mpiksjes së gjakut.

Muskujt dhe eshtrat

Qëndrimi ulur për një kohë të gjatë, kombinuar me mungesën e aktivitetit fizik, mund t’i bëjë muskujt e trupit të dobët dhe të butë. Më të prekurit janë muskujt e barkut dhe mollaqet. Një tjetër pasojë e mundshme është osteoporoza. Eshtrat nuk e ndjejnë për momentin qëndrimin ulur, por mund të humbasin forcën me kalimin e kohës, duke u bërë më poroze dhe më të brishta.

Sistemi i tretjes

Një ditë e vetme duke qëndruar ulur, çon në një konsum të reduktuar të insulinës nga qelizat. Si rezultat, ju rrezikoni diabetin dhe sëmundjet e tjera metabolike, përveç kapsllëkut kronik dhe në raste ekstreme, hemorroidet.

Plakje

Telomeret ndodhen në skajet e kromozomeve dhe i mbrojnë ata nga dëmtimi dhe bëhen më të shkurtër gjatë procesit të plakjes. Është treguar se, një mënyrë jetese joaktive bën që telomeret të shkurtohen shumë më shpejt.

Sëmundje mendore dhe ankth

Një mënyrë jetese ulur, mund të ketë ndikim shumë negativ në shëndetin mendor. Mungesa e aktivitetit fizik çon në zhvillimin e depresionit dhe ankthit për shkak të mungesës së endorfineve. Lëvizja rregullisht mund të përmirësojë gjendjen shpirtërore dhe të relaksojë trupin. Gjithashtu, shërben për vetëvlerësim. Ajo ndikon në prodhimin e serotoninës, duke ndihmuar në uljen e një mosbalance që mund të çojë në probleme të memories dhe mungesës së oreksit.

Pagjumësi

Mungesa e lëvizjes mund të ndikojë shumë në cilësinë e gjumit. Trupi interpreton paqëndrueshmërinë e vazhdueshme si pushim, edhe kur aktiviteti mendor është në maksimum. Prandaj, kur dikush është “pushim” për gjithë ditën, trupi vendos që nuk është më e nevojshme të flejë. Ushtrimet ndihmojnë në luftën kundër pagjumësisë dhe përmirësojnë cilësinë e gjumit.

Problemet e performancës

Burrat me stil jetese joaktiv, kanë më shumë gjasa të vuajnë nga mosfunksionimi erektil, problemet e prostatës dhe pabarazitë e hormoneve. Qarkullimi i gjakut në legen të vogël gjatë qëndrimit ulur, ngadalësohet, gjë që mund të çojë në inflamacion gjithashtu.