Dokumentari “Shpërthimi: virusi që tronditi botën” vjen në kohën kur po shtohet presioni mbi Kinën për të treguar të vërtetën e origjinës së virusit.

Në Kinë gjenden 13 ekspertë të OBSH, të cilët për javët në vijim do të hetojnë si është transmetuar virusi nga kafshët tek njerëzit.

Por mjekët kinezë të filmuar fshehurazi nga një gazetar thonë se ata e dinin më parë se virusi ishte vdekjeprurës.

Një mjek tha: Në fund të dhjetorit ose fillim të janarit, i afërmi i dikujt që unë njoh vdiq nga ky virus. Shumë nga ata që jetonin me të ishin gjithashtu të infektuar, duke përfshirë njerëz që njoh.

Deri në 12 janar, OBSH po thoshte se nuk kishte ‘prova të qarta të transmetimit nga “njeriu te njeriu’ dhe tha se ishte ‘siguruar për cilësinë’ e reagimit të Kinës.

Por një mjek kinez tha: Të gjithë kemi ndjerë se nuk duhet të ketë asnjë dyshim për transmetimin e virusit nga njeriu te njeriu.

Sipas dëshmive, mjekët që morën pjesë në një mbledhje nga spitali u ‘u tha të mos flisnin’ për natyrën e vërtetë të transmetimit.

‘Ne e dinim që ky virus transmetohej nga njeriu te njeriu. Por kur morëm pjesë në një takim në spital, na thanë të mos flisnim”, tha një mjek. ‘Edhe drejtuesve lokalë u thanë spitaleve të mos thoshin të vërtetën.’

Deri më 21 janar, kur OBSH lëshoi ​​raportin e parë të situatës mbi virusin, sëmundja kishte infektuar të paktën 278 njerëz në Kinë dhe ishte përhapur në tre vende të tjera.

Pas shpërthimit në shkurt 2019, Kina duket se e ka mposhtur epideminë më mirë se vendet e tjera, sidoemos ato Evropiane dhe të Amerikës, të cilat po vuajnë ende pasojat sot, me raste dhe vdekje të shumta.

/a.m/NOA.al