Dyshohet se para dy ditësh një person është hedhur nga Ura e Fshajtë të Gjakovës, në lumin Drini i Bardhë.
Kanë vijuar kërkimet prej dy ditësh, por ende nuk është gjetur trupi i pajetë.
Për shkak të kushteve atmosferike, gjatë ditës së djeshme kërkimi për të ishte ndërprerë.
Policia ka konfirmuar dje se i dyshuari e ka lënë veturën afër rrugës dhe brenda saj kishte lënë një letër.
Lajmin për vazhdimin e kërkimeve e ka konfirmuar policia rajonale e Gjakovës.
“Sot më datë 27.01.21 rreth orës 11:30 njësiti kërkim -shpëtimit i FSK-së ka dalë në vendin e ngjarjes tek Ura e Fshejt në fshatin Xerxë , 10 pjesëtarë të FSK -se së specializuar në gjetjen e trupit të zhdukur para dy ditëve, në lumin Drini i Bardhë”, thuhet në njoftimin e policisë.
/a.m/NOA.al