Transmetuar më 18-02-2021, 16:34

Rita Ora festoi Ditën e Pavarësisë së Kosovës të Mërkurën ndërsa pozoi me veshje tradicionale.

Daily Maili ka kushtuar një artikull këngëtares me famë botërore, duke i bërë jehonë kështu edhe Kosovës dhe shqiptarëve.

Kjo tregon se çfarë fuqie ka arti dhe artistët e vërtetë për promovimin e kulturës së kombit dhe popullit tonë në botë.

Këngëtarja, 30 vjeçare ka lindur në Prishtinë në atë që tani është Kosovë dhe kishte veshur veshje tradicionale për të shënuar festën e pavarësisë.

Kosova është vendi i dytë më i ri në botë dhe më i ri në Evropë, duke shpallur pavarësinë e saj nga Serbia në shkurt 2008.

98 nga 193 shtete anëtare të Kombeve të Bashkuara dhe 22 nga 27 shtete të Bashkimit Evropian e njohin Kosovën, ndërsa qeveria e Serbisë ende jo.

Rita lindi nga prindër shqiptarë në kohën kur Kosova ishte Jugosllavia, me prindërit e saj që u larguan nga rajoni për shkak të persekutimit të shqiptarëve.

Yllii muzikës  më parë foli për Vogue Arabia dhe tregoi për familjen e saj kur mbërriti në Londër dhe filloi një jetë të re vetëm një vit pasi lindi.

Veshja e mrekullueshme e Ritës përbëhej nga një fustan i zi me mëngë të gjata me qëndisje prej ari dhe një pëlhurë me rripa të palosura.

Këngëtarja e shumë hiteve kishte kombinuar veshjen me çizme blu të errëta dhe doreza të kuqe të ndezura ndërsa pozonte së bashku me disa gra të tjera me veshje tradicionale shqiptare.

Rita shkroi: ‘Gëzuar Ditën e Pavarësisë Kosova !!!’ së bashku me një mesazh në shqip: Urime për 13 vitet e pavarësisë sonë në Kosovë!

Çfarë mund të bëjë më shumë një artist për vendin e tij të origjinës, për kombin e tij.

(Foto dhe Info marrë nga Daily Mail)

/a.m/NOA.al