Një person i armatosur në Teksas vrau një person dhe plagosi të paktën pesë të tjerë, katër prej të cilëve janë në gjendje kritike.

Ngjarja ka ndodhur në depon e një fabrike në Bryan të SHBA-ve të enjten pasdite.

I armatosuri, i cili besohet të jetë një punonjës i kompanisë, Kent Moore Cabinets, u largua para se të mbërrinte policia, por u dërgua më vonë në paraburgim, tha Policia e Bryan.

Në një deklaratë tjetër, Departamenti i Policisë në Bryan, tha se i dyshuari ishte Larry Bollin nga qarku Grimes në Teksas.

Sipas njoftimit, 27-vjeçari u mor në paraburgim nga Departamenti i Sigurisë Publike në Teksas dhe ishte akuzuar për vrasje. /S.H /NOA.al