Ministrja e Shëndetësisë Ogerta Manastirliu deklaroi nga Vlora, se të hënën do të vijnë në Shqipëri 7020 doza Pfizer.
Pjesa tjetër e vaksinave janë kineze dhe vijnë nga kontrata e lidhur kohë më parë me distributorin turk.
Lidhur me sasinë e vaksinave kineze pritet të mbërrijnë 100 mijë të tilla.
Manastirliu deklaroi se ditën e hënë do të ulet e fasha e vaksinimit në 60 vjeç e lart.
Ajo theksoi se deri më tani në qarkun e Vlorës janë kryer më shumë se 20 mijë vaksinime.
“Në Vlorë janë më shumë se 26 mijë vaksinime të kryera. Vazhdon ritmi i vaksinimit në qendra shëndetësore”, theksoi Manastirliu.
“Ditën e hënë ulim fashën në 60 vjeç. Kemi filluar tashmë me pjesën e kolaudimit. Nga nesër fillojmë shpërndarjen e vaksinave Sinovac. Të hënën presim 7020 doza Pfizer dhe pjesën tjetër nga kontrata me distributorin e Sinovac”, – tha ministrja Manastirliu.
/a.m/NOA.al