Transmetuar më 11-04-2021, 13:28

Në vitin 2020 në të gjithë botën janë regjistruar 13 654 tërmete me magnitudë 4 ballë të shkallës Rihter ose më shumë, më i forti prej të cilëve është regjistruar në SHBA.

Rreth 500 mijë tërmete të vogla ose të mëdha ndodhin në Tokë çdo vit, prej të cilave rreth 100 mijë ndihen, ndërsa vetëm rreth 100 prej tyre shkaktojnë dëme.

Sipas Shërbimit Gjeologjik të SHBA-së (USGS), tërmeti më i fuqishëm i vitit ndodhi në shtetin amerikan të Alaskës më 22 korrik 2020, me një magnitudë prej 7,8 ballësh.

Ekspertët në USGS-së theksojnë se arsyeja pse regjistrohen më shumë tërmete sot se në të kaluarën është sepse ata marrin më shumë të dhëna për stacionin sizmik me zhvillimin e teknologjisë.

Në vitin 1931, kishte 350 stacione sizmike në Tokë për të regjistruar tërmete, por sot kjo shifër ka shkuar në mijëra.

Tërmetet, sipas formimit të tyre, ndahen në tre kategori: tërmete tektonike, vullkanike dhe tërmete kolapsi, ndërsa lëkundjet tektonike spikasin si lloji më shkatërrues i tërmetit për nga ashpërsia dhe magnituda.

Lëvizjet në thyerjet në koren e Tokës përbëjnë pothuajse të gjitha tërmetet që ndodhin në të gjithë botën.

Zona e tërmeteve në Paqësor, e quajtur gjithashtu “Unaza e Zjarrtë e Paqësorit”, njihet si zona më intensive e tërmeteve, në të cilën ndodhin 90% e të gjitha tërmeteve në të gjithë botën, përfshirë edhe 81% e tërmeteve të mëdha.

“Unaza e Zjarrtë e Paqësorit”, e gjatë 40 kilometra dhe që ka formën si një “patkua”, shtrihet në skajet e Pellgut të Oqeanit Paqësor dhe gjithashtu përmban rreth 75% të vullkaneve aktive.

Në vitin 2020, në këtë zonë ndodhën 7 nga 9 tërmetet e mëdha me një magnitudë prej 7 ballë ose më shumë.

Sipas USGS-së, zona e dytë më e madhe e tërmeteve ku ndodhin 5 deri 6% e të gjitha tërmeteve në të gjithë botën, përfshirë 17% e tërmeteve të rënda, është rajoni i Himalajeve.

Ndërkohë, tërmeti më shkatërrues i regjistruar deri më tani në botë është një tërmet me magnitudë 9,5 ballë në vitin 1960 në rajonin Valdivia të Kilit.

Gjithashtu, një tjetër tërmet shkatërrues ka ndodhur në vitin 2004 në Sumatra, Indonezi me një magnitudë prej 9,1 ballë./K.B/NOA.al