Lëvizje të befta politike orët e fundit në Tiranë, me deklarata të cilat vijnë si surprizë për publikun.
Kryeministri Edi Rama i bëri thirrje publikisht kreut demokrat që të punojnë së bashku, duke thënë se këtë e kërkon populli.
"Shqiptarët duan bashkim, duan që ne të gjithë të punojmë për ta dhe ekonominë e tyre përtej pandemisë, duke e lënë pas politikën e vjetër të sherrit, dasisë, konfliktit deri në absurd! Pse ti jo?".
Po pse vallë janë më të rëndësishëm për ty Saliu dhe Iliri se sa Shqipëria Lulëzim?! Shqiptarët duan bashkim, duan që ne të gjithë të punojmë për ta dhe ekonominë e tyre përtej pandemisë, duke e lënë pas politikën e vjetër të sherrit, dasisë, konfliktit deri në absurd! Pse ti jo?
— Edi Rama (@ediramaal) April 14, 2021
I menjëhershëm reagimi sonte nga Lulzim Basha: "Në 25 prill shqiptarët do votojnë numrin 9 për ta larguar Ramën dhe ai nuk do jetë kurrë pjesë e qeverisjes sonë. Koha e tij ka mbaruar. Ne do të sjellim ndryshimin dhe Shqipëria do fitojë".
Në 25 prill shqiptarët do votojnë numrin 9 për ta larguar Ramën dhe ai nuk do jetë kurrë pjesë e qeverisjes sonë. Koha e tij ka mbaruar. Ne do të sjellim ndryshimin dhe Shqipëria do fitojë.
— Lulzim Basha (@lulzimbasha_al) April 14, 2021
Është e paqartë pse Rama iu drejtua sot Bashës me thirrjen për bashkim, pikërisht 10 ditë para zgjedhjeve dhe ndërsa çdo ditë nuk ka reshtur së përçmuar Bashën duke e konsideruar të paaftë dhe rrezik për vendin.
Ftesa kaq e hapur e Ramës, duket se është qartësisht e refuzuar në momentin që Basha deklaron se nuk do të qeverisë kurrë me Edi Ramën. /noa.al