Kriminelët lidhën burrin e saj Charalambos Anagnostopulos, 32 vjeç, dhe ia mbyllën sytë para se t’i vinin armën në kokë, duke i kërkuar paratë.

Trupi i pajetë i Caroline u gjet pranë vajzës së saj që qante, pasi grabitësit kishin ikur me 15,000 euro të fshehura në një kuti lojërash, si dhe bizhuteri të shumta.

Zëdhënësi i policisë George Kalliakmanis tha se foshnja 11-muajshe Lydia u pa "duke e goditur" nënën e saj në një përpjekje për ta zgjuar.

Kalliakmanis tha se babai i dëshpëruar, i cili punon si pilot, ishte lidhur dhe ishte shtrirë në dysheme. Atij i ishte vënë një shirit ngjitës për t’i mbuluar sytë dhe gojën.

Duke folur para gazetarëve sot, Charalambos tha se ai zbuloi se gruaja e tij ishte vrarë kur oficerët e policisë i hoqën shiritin që i mbulonte sytë.

Ai tha: Ata na lidhën ndërsa ne u thamë se ku ishin paratë.

“E kuptova që gruaja ime nuk ishte gjallë kur policia më la të lirë”.

"Vajza ime, për fat të mirë, nuk u godit. Ajo shkoi në spital dhe, për fat të mirë, është mirë".

Charalambos tha se ai është ende në shok, pasi gruaja e tij u vra.

Piloti po punon me hetuesit në një përpjekje për të gjetur kriminelët e pamëshirshëm – të cilët gjithashtu vranë qenin e familjes gjatë grabitjes.

Charalambos, i cili tha se ishte ende i "tronditur", u bëri thirrje njerëzve që kishin informacion në lidhje me bandën prej katër burrave që të kontaktonin policinë.

Një fqinj i tha Mail Online se babai përdori hundën për ta thirrur në numrin e saj – i cili ishte numri më i fundit i thirrur në telefonin e tij.

Ajo tha: Ai po bërtiste, po bërtiste, por unë nuk mund ta kuptoja se çfarë po thoshte sepse goja e tij ishte e mbyllur.

“Mendova se kishte ndonjë problem mjekësor. Unë dola jashtë dhe pashë dhe pastaj pashë se diçka nuk shkonte”.

Policia beson se banda vëzhgonte familjen nga rruga dhe hyri nga një dritare e bodrumit në 4.30 të mëngjesit.

Ai tha se mbante paratë në shtëpi sepse  duhej të paguante ndërtuesit për punën që kishin përfunduar në një tokë që familja kishte blerë kohët e fundit.

Sipas mediave lokale, grabitësit lanë gjurmë gishtash dhe prova të ADN-së në shtëpi.

Detektivët thuhet se kanë hartuar një "listë të kuqe" me 100 të dyshuar duke përfshirë të huaj dhe grekë të cilët kohët e fundit janë liruar nga burgu.

Ata po hetojnë gjithashtu lidhje të mundshme me pesë grabitje të tjera vitin e kaluar, të cilat gjithashtu u karakterizuan nga nivele tronditëse të dhunës.

Zyrtarët dyshojnë se banda mund të jetë informuar se çifti kishte një shumë të madhe parash të grumbulluar në shtëpi.

/a.m/NOA.al