Një tufë me 18 elefantë të egër është gjetur e ngordhur në Nagaon, në shtetin veri-lindor indian të Assam.
Zyrtarët shtetërorë thonë se elefantët u vranë kur rrufeja goditi rezervatin pyjor në Kandoli.
Fshatarët njoftuan autoritetet, pasi gjetën kufomat e kafshëve në pyll.
Kryeministri i Assam Himanta Biswa Sarma tha se ai ishte i shqetësuar për një "numër të madh elefantësh", që kishin ngordhur dhe se ishte urdhëruar një hetim.
Ka më shumë se 27,000 elefantë aziatikë në Indi, rreth 21% e të cilave janë në Assam.
Kjo është hera e parë në 20 vjet në Assam që kaq shumë elefantë janë gjetur të ngordhur në të njëjtën kohë.
Ministri i pyjeve i shtetit Parimal Suklabaidya shkroi në Twitter se ai ishte "thellësisht i tronditur" nga ngordhja e elefantëve "për shkak të stuhisë masive" në Kathiatoli Range në Nagaon.
/a.m/NOA.al