EUROVISION/ Kush janë 10 shtetet e para finaliste, nesër radha e Shqipërisë
Transmetuar më 19-05-2021, 10:39

Është mbajtur mbrëmjen e djeshme nata e parë e spektaklit muzikor europian “Eurovision”.

Janë zbuluar se cilat do të jenë 10 vendet e para finaliste të këtij kompeticioni.

Në faqen zyrtare të “Eurovision” konfirmohen shtetet e kualifikuara në natën finale, që janë: Norvegjia, Izraeli, Rusia, Azerbajxhani, Malta, Lituania, Qipro, Suedia, Belgjika dhe Ukraina.

Gjithashtu, është njoftuar se eventi është mbajtur sipas rregullave të vendosura për pandeminë.

Finalja e këtij kompeticioni do të mbahet të shtunën më 22 maj, ndërsa Shqipëria përfaqësohet nga Anxhela Peristeri.

Në natën e parë të gjysmëfinales konkurruan 16 vende. Në natën e dytë e cila zhvillohet më 20 maj do të marrin pjesë 17 vendet e tjera ndër të cilat është edhe Shqipëria.

Finalja e Madhe zhvillohet më 22 maj 2021.

Anxhela do të konkurrojë në “Eurovision” me këngën “Karma”, të punuar nga Kledi Bahiti dhe Olti Curri.

Konkursi i 65-të i Këngës, Eurovision 2021, këtë vit po zhvillohet në Roterdam./a.m/NOA/al