Autoritetet tatimore italiane njoftuan sot se kanë zbuluar evazion fiskal në shuma prej 200 mijë eurosh përmes llogarive të depozituara në Shqipëri, si dhe në Principatën e Monakos.

Guardia di Finanza kreu një seri kontrollesh mbi monitorimin e pagesës së taksave, në mënyrë që të verifikonte burimin e saktë të investimeve të huaja dhe aktiviteteve financiare të huaja në deklaratat vjetore të tatimit mbi të ardhurat.

Si pjesë e këtij aktiviteti, u zbuluan shkelje, të cilat përfshinin investime në Principatën e Monakos dhe Shqipëri.

Policia italiane gjeti shkeljet, duke iu referuar burimeve financiare të depozituara në llogaritë rrjedhëse të mbajtura në institucionet bankare me bazë në Monegasque dhe territorin shqiptar, deklaratës së aktiviteteve financiare të huaja në shtete ose territore me taksim të privilegjuar, për stoqe mesatare të padeklaruar ndërmjet 50 dhe 100 mijë eurove.

Kjo çon në aplikimin e një ndëshkimi administrativ deri në 30% të shumave të padeklaruara nga Agjencia kompetente.

Burimet financiare e zbuluara nga autoritetet tatimore italiane kapin një shumë totale prej rreth 200 mijë euro.

/a.m/NOA.al