Gjatë 24 orëve të fundit në të gjithë Shqipërinë u testuan për Covid-19, 2,170 qytetarë, nga të cilat kanë rezultuar pozitivë 12 prej tyre.
Rastet pozitive të konfirmuara janë identifikuar në këto bashki: Pesë raste në Tiranë, tre raste në Berat, 2 në Shkodër dhe nga një rast në Elbasan dhe Sarandë.
Aktualisht në spitalet COVID po trajtohen 42 pacientë, nga të cilët 7 pacientë janë në terapi intensive. Një ditë më parë ishin 41 të shtruar dhe gjashtë persona nën terapi intensive.
Prej mëse një jave nuk ka asnjë person të intubuar e megjithatë vdekjet janë ende të pranishme. Dje ka humbur jetën një qytetar nga Prrenjasi, 61 vjeç.
Në 24 orët e fundit janë shëruar 93 qytetarë, duke e çuar numrin e të shëruarve në 129,308 që nga fillimi i epidemisë.
Aktualisht në të gjithë vendin, veç 43 të shtruarve janë nën kurim shtëpiak edhe 508 qytetarë të moshave të ndryshme. /noa.al
Statistika (30 Maj 2021) Raste të reja ditore 12 Të shëruar në 24 orë 93 Të shtruar në spitale 42 Humbje jete në 24 orë 1 Testime ditore 2,170
Testime totale 717,696 Raste pozitive 132,309 Raste të shëruara 129,308 Raste Aktive 551 Humbje jete 2,450
Shpërndarja gjeografike e rasteve aktive sipas qarqeve: Tiranë 237 Korçë 75 Shkodër 67 Vlorë 31 Elbasan 29 Berat 37 Lezhë 25 Gjirokastër 16 Fier 7 Kukës 9 Durrës 14 Dibër 4