Shakira është një nga këngëtaret më të suksesshme në botë. Karriera e saj filloi në fillim të viteve 90-të. Gjatë gjithë kësaj kohe ajo ka pasur arritje të panumërta me këngë të tilla të njohura si “Ciega, sordomuda”, “Que me quedes tu”, “Suerte” apo “Las de la intuición”, ndër të tjera. Talenti në muzikë i ka mundësuar të fitojë më shumë se 420 çmime, përfshirë 14 çmime “Grammy”.

Këngëtarja kolumbiane nuk vlerësohet vetëm për karrierën e saj muzikore, pasi Shakira, gjithashtu bën gjeste të shumta solidariteti, veçanërisht në vendin e saj të lindjes dhe në kontinentin afrikan.

Artistja ndiqet në të gjithë botën nga miliona njerëz, që admirojnë stilin e saj të jetës dhe e mbështesin pa kushte. Ka edhe shumë ashurues, që kërkojnë të kopjojnë stilin e tij ose ndryshimet e saj të shumta. Kjo është arsyeja pse programi “Viva la vida” ka zbuluar disa nga “retushimet” estetike, që Shakira ka bërë ndër vite.

Ky emision ka zbuluar se partnerja e Gerard Pique, futbollist i Barcelonës, ka shpenzuar deri në 63.800 euro për ndërhyrje të ndryshme estetike. Ka shumë “retushim” në fytyrën e saj, disa prej ndërhyrjeve të përsëritura, por të gjitha me një rezultat shumë të natyrshëm.

Shakira gjithmonë ka kërkuar të përmirësojë pamjen e saj, por pa rënë në ekzagjerim. Në moshën 44 vjeç, artistja kolumbiane është e martuar me Gerard Piqué, ka dy fëmijë, ruan një gjendje spektakolare fizike, duke kombinuar sportin, jetën e shëndetshme dhe “përkëdheljet” e çuditshme, falë këtyre ndërhyrjeve estetike.

Në radhë të parë, kolumbianja iu nënshtrua trajtimit ortodontik për të korrigjuar buzëqeshjen e saj. Aktualisht i ka veshur dhëmbët me material të kushtueshëm, për një vlerë prej 7.000 euro. Shakira ka përmirësuar edhe pamjen e hundës së saj, falë një rinoplastike të përsosur, me vlerë 7.000 euro. Për të harmonizuar ovalin e fytyrës dhe për të projektuar më shumë kockën e mollëzave, sot është bërë një nga trajtimet në modë: bichektomia, që ka një kosto prej 2.000 euro.

Përveç kësaj, ajo ka vënë një protezë në mjekër për të kompensuar një tërheqje të vogël që kishte. E gjitha kjo për 11.500 euro. Për hidratim më të mirë të lëkurës, Shakira iu nënshtrohet disa filtrimeve të acidit hialuronik çdo 4/6 muaj dhe kombinon këtë teknikë me botoks për të hequr rrudhat në një të tretën e sipërme. Të dy trajtimet kanë një kosto prej 800 euro për seancë.

Artistja ka bërë deri në pesë liposuksione në trupin e saj, veçanërisht në kofshë dhe ijë. Kjo nënkupton një shpenzim deri në 25.000 eurosh.

Shakira, gruaja e Pique, ka ndërhyrë te vithet, duke hequr dhjamin me liposuksion. Kjo ndërhyrje kushton 3.000 euro. Dhe së fundi, një modelim të barkur me vlerë 7.000 euro, pas lindjeve të Milano dhe Sasha, dy djemve të saj. /fredi/noa.al