Transmetuar më 25-07-2021, 17:54

Zëvendësi i Prokurorit Komunal të Shtetit në Kroaci, Slavko Pranjic, ka thënë se shoferi i autobusit që u aksidentua mëngjesin e sotëm në Kroaci ka deklaruar se e kishte zënë gjumi për një moment gjatë udhëtimit me makinë.

“Shoferi u arrestua nën dyshimin për drejtimin e automjetit në mënyrë të papërshtatshme. Cilat janë arsyet për këtë, nuk mund të themi tani për tani”, tha Pranjiç, shkruan portali kroat Dnevnik.hr.

“Ai deklaroi se e zuri gjumi për një moment, por ne do ta përcaktojmë atë më vonë”, shtoi Pranjiç.

"Sipas fakteve të vërtetuara deri më tani, është një autobus që ka dalë nga rruga duke rënë në  bar në anën jugore të rrugës. Autobusi po udhëtonte nga Frankfurti për në Prishtinë, transportuesi i trafikut Deva Tours me seli në Prishtinë," tha Pranjic.

"Shoferi i autobusit u gjet në vendngjarje, ndërkohë ai u arrestua. Një hetim është kryer, veprime të tjera hetimore në ka prova për të filluar procedurat penale," tha Pranjic.

"Deri më tani, kemi informacion se ka 10 persona të vdekur dhe 23 të plagosur rëndë ose lehtë", tha ai.

"Shoferi u arrestua nën dyshimin për drejtimin e një automjeti në një mënyrë që ai po lëvizte duke kryer manovra në mënyrë të papërshtatshme, ai nuk përdori korsinë e trafikut, por kishte një deviim gjatë manovrave të tij. Ne nuk mund të flasim për shkaqet e këtij veprimi," shtoi Pranjic.

Sipas të dhënave të fundit të MPJD-së, në këtë aksident kanë vdekur 10 persona, 54 persona kanë marrë ndihmë mjekësore nga të cilët 16 janë në gjendje serioze ku katër prej tyre janë në rrezik jete.

Një prej shtetasve që ka humbur jetën është edhe shoferi Naser Sylmetaj. Ai ishte ndërruar gjatë rrugës me kolegun e tij, pas një udhëtimit të gjatë nga Frankfurti i Gjermnisë drejt Kroacisë.

Ndërsa mësohet se në autobus me emigrantë nga Kosovë, që po vinin në atdheun e tyre për pushime ndodheshin edhe 13 fëmijë.

Vetëm një vajzë adoleshente është lënduar, asnjë nga fëmijët e vegjël nuk është plagosur.