Kreu i grupit parlamentar të PS, Taulant Balla ka zhvilluar një takim falenderimi me përfaqësuesit socialist në Elbasan.
Balla thotë se puna do të vijojë edhe për fitoren e PS në zgjedhjet lokale të 2023 dhe ato parlamentare të 2025.
Taulant Balla ishte i renditur në listën e PS për zgjedhjet e 25 prillit i teti dhe doli deputeti më i votuar në rang republike me mbi 20 mijë vota.
STATUSI NGA TAULANT BALLA
Elbasan📍Falenderimi për gratë dhe burrat, vajzat dhe djemtë me të cilët kemi punuar ngushtësisht dhe natyrshëm do të punohet edhe në vazhdim për fitoren e Partisë Socialiste🌹🇦🇱 në zgjedhjet e ardhshme vendore dhe ato parlamentare në 2025.
Gjiknuri: Dua një tjetër rekord në zgjedhjet e radhës
Pasditen e sotme, Taulant Balla që tashmë do të udhëheqë skuadrën e qarkut të Fierit, i kaloi “stafetën” Damian Gjiknurit si drejtues politik në Elbasan.
Gjatë prezantimit me strukturat, ishin të pranishëm edhe Sekretari i ri Organizativ Blendi Klosi dhe ministrja Kushi, deputete e qarkut të Elbasanit.
Gjiknuri u shpreh se Elbasani ka pasur një rezultat shumë të mirë në zgjedhjet e fundit dhe tani është koha për mbajtjen e premtimeve dhe riorganizimin e partisë për sfidën e radhës, që janë zgjedhjet lokale.
“Kënaqësi të rikthehem sërish në Elbasan, Qarkun ku nisa rrugëtimin tim si deputet i Partisë Socialiste. Bashkë me Taulantin, Evisin dhe Blendin takuam strukturat drejtuese në parti e pushtet vendor.
Përgjegjësinë e dhënë në Asamblenë Kombëtare për drejtimin e këtij Qarku do ta përkthejmë sëbashku në punë e përkushtim maksimal. Elbasani ka patur një rezultat shumë të mirë në zgjedhjet e fundit.
Është koha që fryma e bashkëpunimit me njëri-tjetrin, përmbushja e premtimeve ndaj çdo qytetari dhe ri-organizimi i Partisë Socialiste në çdo nivel të na garantojnë një tjetër rezultat rekord në zgjedhjet e radhës.
Jam besimplotë se do të çojmë përpara punën e mirë dhe do t’ia dalim” shkruan Gjiknuri.