Kur bëhet fjalë për Erling Haaland, limitet nuk ekzistojnë. Duke pasur parasysh se është vetëm 21 vjeç, ylli norvegjez vazhdon të mahnisë me produktivitetin e tij para porte. Tashmë ai ka shënuar më shumë gola në Ligën e Kampionëve, pa llogaritur Bundesligën, se kampionë të mëdhenj të së tashmes dhe së kaluarës.

Kundër Besiktas, në fitoren e Dortmundit, Haaland shënoi golin vendimtar për 2-1. Konkretisht, ky ishte goli i tij i 21-të në kompeticionin më madhor evropian për klubet. E ka arritur këtë kuotë mbresëlënëse në vetëm 17 ndeshje.

Haaland vazhdon “të udhëtojë” në futbollin elitar me një ritëm që askush nuk e ka pasur ndonjëherë, veçanërisht në moshën e tij: as Cristiano Ronaldo, as Messi, as emrat e tjerë të mëdhenj në “top 5” shënuesit më të mirë të të gjitha kohërave, përkatësisht Lewandowski, Benzema dhe Raul.

Deri ku mund të shkojë norvegjezi? Është e pamundur të thuhet, por duke marrë parasysh gjithçka, goli mund dhe duhet të jetë kulmi absolut në rrjedhën e karrierës së tij.

Në fund të fundit, në vetëm dy sezone të Champions-it, plus një ndeshje, Haaland ka shënuar tashmë më shumë gola sesa kampionë dhe mite në një karrierë të tërë. Lista e atyre që lë pas është mbresëlënëse: Solskjaer, Anelka, Fernando Torres, Hulk, Romario dhe Luis Enrique, që u ndalën te 20 gola, me mesatare pak a shumë të rëndësishme. Emra të cilëve iu shtohen edhe Harry Kane apo Gareth Bale, në aktivitet.

Just Kane është ai që i afrohet mesatares së golave të Haaland (0.83 për lojë), por që nuk do të luajë në Ligën e Kampionëve në 2021-2022, duke pasur parasysh mospjesëmarrjen e Tottenham në kompeticion. Nëse ndalemi te lojtarët e “pensionuar”, norvegjezi ka lënë pas vetes edhe Josè Torres, Amancio, Huntelaar dhe dy lojtarë aktualisht në kompeticion, si Morata dhe Sterling.

A mundet Haaland të shënojë 9 gola në Ligën e Kampionëve 2021-2022? Pa dyshim. Në kategorinë e 30 golave janë Kluivert, Gerrard, Giggs dhe Luis Suarez, me Kylian Mbapé (27) shumë pranë parakalimit të tyre.