Transmetuar më 17-09-2021, 15:21

Seanca maratonë e ditës së kaluar ka zgjatur deri në orët e para të mëngjesit. Nuk kanë munguar edhe momentet komike në fjalimet e deputetëve. I tillë ishte edhe fjalimi i deputetit të Lushnjës, Sajmir Korreshi. Ishte ora 05:40 e mëngjesit kur Korreshi ka nisur të kritikojë qeverinë. Por gjatë fjalës së tij, ai ka përmendur edhe raste konkrete dhe situata të caktuara që kanë bërë që deputetët e tjerë në sallë të ‘zgjoheshin’ nga gjumi dhe të shpërthenin në lot.

“Këtu u tha se këtu kemi bërë shëndetësinë jashtëtoksore. Po hajde njëherë në spitalin e Lushnjës, të del miu nga këmbët e nuk din ku të vesh. Ju jetoni në ëndrra. Thoni se do bëni shkolla por nuk kemi më nxënës se të gjithë fëmijët kanë ikur- tha ndër të tjera deputeti i Lushnjës.

Por siç duket ankesat e tij nuk u janë dukur edhe aq të rëndësishme deputetëve të tjerë të sallës, përfshirë kryedemokratin Lulzim Basha dhe deputetin e PS-së, Damian Gjiknurin të cilët janë “shkrirë” së qeshuri. Video sot është bërë virale në rrjet.