Për herë të parë, Mbretëresha Elizabeth II mori pjesë në një ngjarje të madhe publike, duke përdorur një shkop në ecje. Kështu ajo demonstroi se nuk është e aftë të ecë me këmbët e veta por në ndihmë i vjen një bastin siç shihni fotot në galeri.

Sovrania mori pjesë në njëqindvjetorin e Legjionit Mbretëror Britanik në Westminster Abbey në Londër.

Ajo u shfaq si gjithmonë në formë, pavarësisht 95 viteve të saj. Shkopi iu dha asaj nga një anëtar i stafit mbretëror, ndërsa doli nga limuzina.

Mbretëresha e ka përdorur më shumë për të lëvizur në shtegun e shtruar me guralecë para abacisë, pa treguar probleme në ecje.

Ajo ishte parë më parë duke përdorur një shkop në 2003 dhe 2004 pas një operacioni në gju, por kjo ishte për një arsye specifike mjekësore në atë kohë. Këtë radhë duket se mosha e avancuar ka bërë të vetën.