Tirana do të jetë pjesë e një turneu treditor që këshilltari i Shtetit dhe ministri i Jashtëm kinez Wang Yi do të ndërmarrë nga 27 deri më 29 tetor.

Lajmi u dha të hënën nga zëdhënësi i Ministrisë së Jashtme kineze Wang Wenbin, përcjell “Xinhua”.

Fillimisht shefi i diplomacisë kineze do të vizitojë Greqinë, më pas Serbinë, Shqipërinë dhe Italinë.

Në këto vizita, Wang është ftuar nga ministri i Jashtëm grek Nikos Dendias, ministri i Jashtëm serb Nikola Selakoviç, ministrja e Jashtme shqiptare Olta Xhacka dhe ministri i Jashtëm italian Luigi Di Maio.