Pse të qëndrojmë në një lidhje kur nuk ndihemi më të lumtur? A kemi frikë se mos mbeteni vetëm apo vërtet mendojmë se duhet t’i japim një shans të dytë? Psikoterapisti amerikan Jeffrey Bernstein sugjeron që të mendojmë me kujdes për pyetjet e mësipërme përpara se të vendosim për të ardhmen e një lidhjeje. Por cilat janë shenjat paralajmëruese që një situatë duhet të marrë fund?

Kriza zgjat me vite

Grindje të forta, ulje e humorit erotik, shpërthime pa arsye. Të gjitha sa më sipër krijojnë një klimë toksike në një marrëdhënie që është e vështirë të ndryshohet. Pra, nëse tashmë jeni përpjekur shumë herë ta ruani këtë marrëdhënie pa dobi, atëherë vërtet duhet të pyesni veten për të ardhmen.

Nuk ndiheni më të lumtur

Përditshmëria sigurisht që ka shumë vështirësi, por partneri ynë duhet të jetë burim lumturie për ne dhe jo shkaktar trishtimi. Nëse nuk e ëndërroni të ardhmen me të, atëherë është koha për të marrë vendime.

Toleranca juaj është në rënie

A e shqetëson gjithçka partnerin tuaj, edhe mënyra se si ai fle? Ju e dini se kjo nuk ka kuptim. Pra, nëse e shijoni më shumë kohën me të shoqet sesa me të dashurin tuaj, atëherë keni një arsye më shumë për të lënë këtë marrëdhënie.